Numri i të vdekurve nga përmbytjet shkatërruese të javës së kaluar në Kentakin lindor, SHBA është rritur në të paktën 30 ndërsa qindra njerëz janë ende të zhdukur. Sipas Guvernatorit Andy Beshear, kërkimi për të mbijetuarit ka të ngjarë të zvarritet për javë të tëra.
“Gjërat janë mjaft të vështira për njerëzit e këtij rajoni e sikur kjo të mos mjaftonte, shiu nuk është ndalur ende.” – tha Beshear në një konferencë shtypi, duke vënë në dukje se katër nga qarqet që u rrethuan nga stuhia e javës së kaluar janë nën paralajmërime të reja për përmbytje.
Në mesin e të vdekurve ishin të paktën gjashtë fëmijë, duke përfshirë katër vëllezër e motra, të moshave dy deri në tetë vjeç, të cilët u përfshinë nga përmbytjet ndërsa familja e tyre u ngjit pas një peme. Beshear tha se zyrtarët shtetërorë janë në dijeni për mbetjet e viktimave të tjera përtej 30 personave që janë konfirmuar se janë vrarë.
Rajoni u përmbyt nga 20 deri në 25 centimetra shi në një periudhë 24-orëshe që përfshin pjesë të së mërkurës dhe të enjtes. Shumica e banorëve të Kentakit ishin duke fjetur kur ujërat e përmbytjeve filluan të përfshinin shtëpitë dhe bizneset brenda natës. Lumi North Fork Kentucky raportohet se u ngrit 5 metra midis mesnatës dhe orës 10 të mëngjesit të së enjtes, duke tejkaluar fazën e përmbytjes me mbi 4 metra këmbë dhe duke arritur nivelin e tij të mëparshëm rekord me 1.8 metra.
Më shumë se 12,000 familje mbetën pa energji që nga mëngjesi i së hënës, katër ditë pas stuhisë. Qindra njerëz, shtëpitë e të cilëve u shkatërruan ose u bënë të pabanueshme, kanë kërkuar strehim në parqe, kisha dhe shtëpi të lëvizshme të siguruara nga shteti, ndër të tjera. Gjykata e Qarkut Breathitt është ripërcaktuar si një strehë.
Trupat e Gardës Kombëtare nga Kentaki, Virxhinia Perëndimore dhe Tenesi kanë ndihmuar në përpjekjet e kërkimit dhe rikuperimit, duke shpëtuar më shumë se 650 njerëz të bllokuar nga ajri. Ekuipazhet shtetërore kanë shpëtuar me anije rreth 750 persona. Dhjetra rrugë dhe ura u lanë ose u bllokuan nga rrëshqitjet e dheut ose mbeturinat.
Stuhia goditi në zemër të rajonit Appalachia të Kentakit, i cili përfshin disa nga zonat më të varfra në SHBA. Beshear tha se shumë njerëz nuk kishin sigurim nga përmbytjet sepse ishte shumë i shtrenjtë. Raportohet se shtetrrethimi është vendosur në të paktën dy nga qarqet e shkatërruara për shkak të plaçkitjeve.
