Një trup i dekompozuar është gjetur në rrjedhën e lumit Seman në fshatin Arapaj në Roskovec.
Trupi raportohet se është i seksit mashkull. Trupi u gjet në orët e vona të së enjtes nga dy peshkatarë të cilët sapo kanë pikasur kufomën kanë njoftuar policinë.
Këta të fundit kanë kërkuar ndihmën e repartit zjarrfikës Roskovec që kanë bërë të mundur edhe nxjerrjen e trupit nga uji.
Trupi i përket një mashkulli, në moshë të re, por ende është i vështirë identifikimi. Nga ana e policisë po punohet për zbardhjen e plotë të rrethanave të ngjarjes.
“Më datë 04.08.2022, në fshatin Arapaj, në lumin Seman, është gjetur një trup i pajetë, ende i paidentifikuar, i seksit mashkull, i dekompozuar. Po punohet për identifikimin e kufomës dhe zbardhjen e rrethanave të ngjarjes”-njofton policia.
