Forcat Mbrojtëse të Izraelit filluan të premten sulme në zonën e banimit në Gaza, në përgjigje të kërcënimit të supozuar për sulm nga Xhihadi Islamik Palestinez (PIJ). Një nga anëtarët kryesorë të grupit u vra. Zyrtarët lokalë thonë gjithashtu se sulmi i IDF la disa civilë të vdekur dhe dhjetëra të plagosur.
Pamjet video tregojnë tymin që ngrihet nga një zonë banimi e mbushur dendur e enklavës palestineze, pasi forcat izraelite kryen sulme ajrore. Në një deklaratë, IDF tha se sulmi u nis pas ‘kërcënimeve të drejtpërdrejta të paraqitura nga Xhihadi Islamik Palestinez në Gaza’.
Sulmet e së premtes vranë operativin e lartë të PIJ Taysir al-Jabari, pretendoi IDF. Paraardhësi i Al-Jabari, Baha Abu al-Ata, u vra në një sulm ajror izraelit në vitin 2019.
Zyrtarët palestinezë shëndetësorë pohojnë gjithashtu se të paktën shtatë persona u vranë në sulme, duke përfshirë një vajzë pesëvjeçare. Të paktën 40 persona u plagosën, shtuan ata.
Zyrtarët izraelitë kanë paralajmëruar prej disa ditësh se grupi militant kishte planifikuar të sulmonte Izraelin me raketa antitank dhe snajper. Paralajmërimi erdhi pasi forcat izraelite arrestuan udhëheqësin e PIJ-së Bassem Saadi në qytetin Jenin të Bregut Perëndimor të hënën. Një adoleshent palestinez u vra në bastisjen në shtëpinë e Saadi.
Ministri izraelit i Mbrojtjes Benny Gantz vizitoi Komandën Jugore të IDF të enjten dhe lëshoi një paralajmërim për militantët palestinezë, duke thënë se ‘kërcënimi do eliminohet në një mënyrë ose në një tjetër’.
