Njëzet studentë ukrainas të mjekësisë nga Kharkivi, trajnimi i të cilëve u ndërpre nga pushtimi rus, do fillojnë të trajnohen javën e ardhshme në spitalet përreth Kembrixhit.
Deklarata është bërë nga Universiteti i Kembrixhit (kliko këtu).
Studentët ukrainas do të vazhdojnë studimet e tyre praktike dhe do të marrin mësime thelbësore në Shkollën e Mjekësisë Klinike të Universitetit të Kembrixhit, dhe në Spitalin Addenbrooke, Spitalin Royal Papworth dhe Fondacionin e NHS të Cambridgeshire dhe Peterborough.
Kjo u vendos përmes një partneriteti binjakëzimi midis Universitetit të Kembrixhit dhe Universitetit Kombëtar të Mjekësisë të Kharkivit, ku studentët aktualisht po studiojnë.
“Programi shtatë-javor i financuar plotësisht do të përmirësojë trajnimin që studentët kanë marrë tashmë pavarësisht konfliktit, do t’i ndihmojë ata të përparojnë në studimet e tyre të mëtejshme me Universitetin Kombëtar të Mjekësisë në Kharkiv dhe do të mbështesë shërbimin jetik shëndetësor të Ukrainës.”– thuhet në raport sipas Ukrinfrom.
Universiteti i Kembrixhit po koordinon programin e përgjithshëm dhe trajnimi klinik do të ofrohet nga spitalet e përfshira.
“Kolegët kanë punuar jashtëzakonisht shumë për ta vënë në funksion këtë program në një hapësirë të shkurtër kohe. Kjo është e orientuar drejt veprimit; ka të bëjë me paketimin sa më shumë që të jetë e mundur në shtatë javë, gjithçka thelbësore që do t’i lejojë Universitetit Kombëtar të Mjekësisë së Kharkiv-it të përparojë studentët, gjë që përndryshe, për shkak të rrethanave, thjesht nuk mund ta bënte.“- tha dekani klinik Paul Wilkinson.
Studentët që marrin pjesë në këtë program, shumica e të cilëve janë zhvendosur nga konflikti në Ukrainë, janë në dy vitet e fundit të trajnimit mjekësor. Për shkak të luftës dhe para kësaj pandemisë së COVID-19, mësimi gjatë dy viteve e gjysmë ka qenë në internet dhe ata kanë humbur mësimin praktik thelbësor.
