Ish-presidenti Trump postoi një video të stilit të fushatës në platformën e tij të mediave sociale Truth Social herët në mëngjesin e së martës, disa orë pasi prona e tij në Mar-a-Lago u bastis nga agjentët e FBI-së në Palm Beach, Florida.
Videoja 3 minuta e 50 sekonda e gjatë u ngarkua teksa agjentët federalë ekzekutonin një urdhër kërkimi në Mar-a-Lago.
Burime të shumta thonë për Fox News se bastisja e FBI-së në Mar-a-Lago është e lidhur me materialet që Trump dyshohet se solli në rezidencën e tij private pas përfundimit të presidencës së tij.
Kjo çështje iu referua Departamentit të Drejtësisë nga Administrata Kombëtare e Arkivave dhe Regjistrimeve, e cila tha se gjeti materiale të klasifikuara në 15 kuti në rezidencë.
Videoja fillon me Trump duke e përshkruar Amerikën si ‘një komb në rënie’ dhe duke diskutuar një mori çështjesh që prekin nga pasojat që nga tërheqja e Afganistanit deri tek rritja e çmimeve të energjisë.
“Ne jemi një komb që lejuam Rusinë të shkatërrojë një vend, Ukrainën, duke vrarë qindra mijëra njerëz dhe kjo vetëm do përkeqësohet.” – thotë Trump.
“Ne jemi një komb që kemi armatosur forcat e zbatimit të ligjit kundër partisë politike kundërshtare si kurrë më parë.”
Ish-presidenti gjithashtu kritikoi në mënyrë të qartë e të hapur Presidentin Biden për distancimin e tij nga politikat e jashtme të ‘Amerika e Para’ të Trump.
“Ne jemi një komb që po e lejojmë Iranin të ndërtojë një armë bërthamore masive dhe Kinën të përdorë triliona e triliona dollarë që janë marrë nga Shtetet e Bashkuara për të ndërtuar një ushtri për të rivalizuar tonën.” – shton Trump në video.
“Ne jemi një komb që gjatë dy viteve të fundit nuk është më i respektuar apo dëgjuar në të gjithë botën.”
Trump thotë se Amerika, në shumë mënyra, është kthyer në një ‘shaka’.
Videoja merr një kthesë më emocionuese pasi kalon nga bardh e zi në ngjyra. Trump thotë se janë ‘patriotët’ ata që do e shpëtojnë Amerikën.
“Nuk ka mal që nuk mund të ngjitemi, nuk ka majë që nuk mund të arrijmë, nuk ka asnjë sfidë që nuk mund të kalojmë.” – thotë ish-presidenti.
“Ne nuk do të përkulemi, nuk do të thyhemi, nuk do të dorëzohemi.”
