Rritja e çmimeve të karburanteve dhe plehrave në SHBA, së bashku me kushtet ekstreme të motit mund të çojë në mungesë të domateve, duke i çuar kështu çmimet e salcave të domates në nivele rekord, raportoi Bloomberg të shtunën, duke cituar prodhuesit.
Sipas raportit, një mungesë uji e shkaktuar nga thatësira po ndikon në prodhimin në shtetin e Kalifornisë, rajoni përgjegjës për një të katërtën e prodhimit botëror të përpunimit të domates.
Kjo mund të godasë prodhimin e salcave më të njohura të domates, duke përfshirë ketchup-in. Çmimet e salcës së domates dhe ketchup-it tashmë kanë tejkaluar ndjeshëm atë që është tashmë inflacioni më i lartë në katër dekada në SHBA.
Salca e domates në korrik u shit për 17% më shumë se një vit më parë, ndërsa çmimet e ketchup-it janë rritur 23% nga viti në vit, thotë raporti, duke cituar të dhëna nga firma e kërkimit të tregut IRI. Çmimet e pastës së domates në Ingomar, një furnizues me domate të përpunuara për disa prej markave më të mëdha ushqimore në SHBA, janë tani 80% më të larta se vitin e kaluar.
Kultura e domates në Kaliforni ka rënë dalëngadalë gjatë gjashtë viteve të fundit dhe analistët presin që ky vit të mos jetë përjashtim.
Departamenti Amerikan i Bujqësisë vlerëson se të korrat e këtij viti do jenë rreth 11.7 milionë ton por ekspertët e industrisë kanë frikë se do të bjerë nën këtë vlerësim. Kjo mund të sjellë një mungesë të produkteve me bazë domate në muajt e ardhshëm.
