Reshjet e mëdha goditën qytetin turk të Stambollit të hënën, duke ndërprerë trafikun në të gjithë qytetin, duke detyruar mbylljen e rrugëve dhe duke kërkuar mbylljen e linjave të metrosë.
“Ne u përballëm me 90 deri në 100 kilogramë reshje për metër katror në Cekmekoy dhe 80 kilogramë reshje për metër katror rreth Sariyer-Maslaki.” – u tha gazetarëve kryebashkiaku i Stambollit Ekrem Imamoglu gjatë një konference për shtyp.
Pazari i Madh 550-vjeçar, një atraksion i njohur turistik, u përmbyt dhe çatia e një qendre tregtare në Beykoz u shemb.
Videot e postuara në mediat sociale tregojnë ujin që vërshon nëpër Pazarin e Madh ndërsa blerësit e tronditur strehohen brenda vitrinave të dyqaneve.
Një tjetër video tregon makina që notojnë të pafuqishme në ujë me baltë. Rrugët në Besiktas, Cekmekoy dhe Aksaray u prekën gjithashtu nga përmbytjet, me një stacion metroje në lagjen Levet të Besiktas nën ujë, sipas mediave vendase. Shërbimet e tramvajit thuhet se ishin të kufizuara në mes të kaosit.
Rrethet Avcilar, Esenyurt dhe Beylikduzu në perëndim thuhet se janë prekur rëndë, ndërsa rrugët në Maltepe dhe Sile në anën lindore janë mbyllur përkohësisht.
Provincat e Yalova dhe Bursa u prekën gjithashtu nga moti i çuditshëm, sipas mediave lokale.
