Ishte një lajm që askush nuk e priste, dhe për njëfarë kohe bëri që mediat sociale dhe bota e futbollit të mundohej nga pyetja: “A do ta blinte Manchester United njeriu më i pasur në botë?”
Por duket se ka qenë e gjitha vetëm një shaka.
Çfarë ndodhi?
Vetëm pas orës 01:00 të mëngjesit të së mërkurës, Elon Musk postoi në Twitter: “Gjithashtu, unë jam duke blerë Manchester United.”
Also, I’m buying Manchester United ur welcome
— Elon Musk (@elonmusk) August 17, 2022
Postimi i biznesmenit amerikan mori më shumë se 400 mijë pëlqime.
Siç shkruan BBC, ka qenë një fillim i dhimbshëm i sezonit të ri për United. Ata janë në fund të Premier Ligës pas dy humbjeve, Cristiano Ronaldo mund të largohet, ndërsa nënshkrimet e reja nuk po realizohen. Tifozët e tyre janë të shqetësuar dhe në fillim të kësaj jave Trusti i Mbështetjeve të Manchester United tha se do të “kërkojë përgjigje” nga ata që drejtojnë klubin pas një fillimi “poshtërues të keq” të sezonit. Klubi ka qenë në rënie që kur Sir Alex Ferguson u tërhoq si menaxher në vitin 2013 dhe gishtat janë drejtuar te familja Glazer, e cila e ka në pronësi klubin që nga viti 2005. Ka pasur protesta të shumta kundër pronësisë së Glazers në vitet e fundit – duke përfshirë një në maj 2021 që bëri që ndeshja e Djajve të Kuq kundër Liverpool të shtyhej.
Tifozët e United po planifikojnë një tjetër protestë kundër familjes amerikane gjatë takimit të tyre të fundit me rivalët e tyre të hidhur të hënën. Ndaj shumë tifozë e mirëpritën interesin e Musk për klubin e tyre, i cili u vlerësua në 4.6 miliardë dollarë nga Forbes në fillim të këtij viti. Madje disa i shkruanin: “Na shpëto klubin”.
Por duket se kjo ka qenë vetëm një shaka. “E ke seriozisht?” pyeti një nga ndjekësit e tij, të cilit Musk iu përgjigj duke thënë: “Jo, kjo është një shaka në Twitter. Nuk po blej asnjë ekip sportiv”. Më pas shpjegoi se kjo ishte skuadra e tij e preferuar nga fëmijëria.
