Kampioni i Masters 2018, Patrick Reed, po kërkon 750 milionë dollarë dëmshpërblim pasi ngriti një padi për shpifje kundër Golf Channel dhe komentatorit të tij Brandel Chamblee këtë javë.
Në ankesën e tij, Reed, 32 vjeç, pretendon se Chamblee dhe Golf Channel komplotuan me komisionerin e PGA Tour Jay Monahan për të shpifur ndaj tij ‘që kur ishte 23 vjeç’.
Sipas ankesës, kjo është bërë duke ‘raportuar keq informacionin me falsifikim dhe/ose shpërfillje të pamatur të së vërtetës, domethënë me keqdashje aktuale dhe kushtetuese, duke lënë mënjanë qëllimisht faktet kryesore relevante materiale për të mashtruar publikun dhe duke synuar në mënyrë aktive Reed, për të shkatërruar reputacionin e tij, krijojnë urrejtje dhe një mjedis pune armiqësor për të’.
Reed dhe Chamblee kanë mosmarrëveshje që shtrihen në vitin 2019, kur Chamblee akuzoi Reed për mashtrim në garat e golfit. Chamblee ka vazhduar të godasë Reedin duke e akuzuar për mashtrim.
Reed është i bindur se mendimet e Chamblee kanë nxitur fansat që ta turpërojnë atë me ofendime të tilla si ‘thithës k**i’, ‘hajde na e merr në g*jë’, ‘frikacak’, plus gjithashtu duke e quajtur atë një mashtrues dhe duke e akuzuar për marrëdhëniet e tij të rrënuara me prindërit.
Padia e Reed u ngrit nga Larry Klayman, i cili është ndoshta më i njohur për dështimin në përpjekjen e tij për të paditur me sukses komedianin Sacha Baron Cohen për shpifje në emër të ish-kandidatit për Senatin amerikan Roy Moore.
