Rusia ka refuzuar apelet për një çmilitarizimin e plotë të zonës rreth centralit bërthamor Zaporizhzhia në Ukrainën jugore.
Ky veprim do ta bënte centralin më të prekshëm, tha një zyrtar rus.
Thirrjet vijnë mes shqetësimeve në rritje për sigurinë në lokacionin – centrali bërthamor më i madh në Evropë – pasi të dyja palët akuzojnë njëra-tjetrën për bombardime në zonë.
Punonjësit ukrainas drejtojnë centralin, i cili ka qenë nën kontrollin rus që nga marsi.
Ishte një nga vendet e para të kapura nga trupat ruse pas pushtimit të Ukrainës më 24 shkurt.
Sekretari i Përgjithshëm i OKB-së António Guterres dha alarmin pas takimit me Presidentin e Ukrainës Volodymyr Zelensky dhe liderin turk Rexhep Tajip Erdogan në Lviv të enjten.
“Çdo dëm i mundshëm në Zaporizhzhia është vetëvrasje”, paralajmëroi Guterres.
Presidenti ukrainas i kërkoi OKB-së të sigurojë çmilitarizimin e centralit bërthamor – më i madhi në Evropë. Guterres shtoi se “objektet nuk duhet të përdoren si pjesë e ndonjë operacioni ushtarak”.
Erdogan i bëri jehonë shqetësimeve të shefit të OKB-së, duke u thënë gazetarëve se ai ishte i shqetësuar për rrezikun e “një tjetër fatkeqësi si Çernobilit që do të shpërthejë në termocentral.
Zelensky ka kritikuar sulmet e “qëllimshme” ruse në termocentrali.
Moska akuzohet se e ka kthyer objektin në një bazë ushtarake, me të tre liderët që u kanë kërkuar rusëve të çmilitarizojnë zonën sa më shpejt të jetë e mundur.
Apelet vijnë pasi stafi ukrainas, i cili po punon në central nën drejtimin rus, paralajmëroi për një katastrofë të mundshme bërthamore në objekt, duke thënë se në dy javët e fundit ai është bërë “objektiv i sulmeve të vazhdueshme ushtarake”.
“Ajo që po ndodh është e tmerrshme dhe përtej sensit të përbashkët dhe moralit,” shkroi stafi në një postim në Telegram (në gjuhën ukrainase).
Tre nga katër linjat e furnizimit me energji elektrike që lidhin termocentralin me rrjetin kombëtar të Ukrainës janë dëmtuar nga shpërthimet dhe rregullatori bërthamor i Ukrainës ka paralajmëruar se një humbje e plotë e furnizimit me energji do të thotë se “karburanti bërthamor do të fillojë të shkrihet, duke rezultuar në çlirimin e substancave radioaktive në mjedis”.
Më vonë të enjten, një kanal zyrtar në Twitter i përdorur nga qeveria ukrainase tha se anëtarët e Rosatom, korporatës shtetërore bërthamore të Rusisë, ishin larguar “urgjentisht” nga objekti dhe ishte shpallur një “ditë e papritur pushimi”.
“Oficerët ukrainas të inteligjencës besojnë se rusët po përgatisin një provokim në [objekt]”, shkroi në Twitter Qendra e Ukrainës për Sigurinë e Informacionit.
“Pas bombardimeve të tyre të gjera… [forcat ruse] mund të ‘ngrenë aksionet’ dhe të organizojnë një sulm të vërtetë terrorist në objektin më të madh bërthamor të Evropës,” tha ai.
Por Ivan Nechayev, zëvendësdrejtor i Departamentit të Informacionit dhe Shtypit të Ministrisë së Jashtme ruse, e hodhi poshtë thirrjen.
“Largimi i tyre do ta bëjë fabrikën edhe më të cenueshme,” u tha Nechayev gazetarëve.
