Dr. Anthony Fauci do largohet nga tre poste qeveritare që mban, njoftoi ai më 22 gusht.
Fauci po jep dorëheqjen si drejtor i Institutit Kombëtar të Alergjisë dhe Sëmundjeve Infektive (NIAID), shef i Laboratorit të Imunorregullimit NIAID dhe këshilltar kryesor mjekësor i Presidentit Joe Biden.
Lëvizjet do të hyjnë në fuqi në dhjetor, tha Fauci. Ai ka treguar se do të largohet nga qeveria, por nuk do dalë në pension.
“Pas më shumë se 50 vitesh shërbim në qeveri, kam në plan të ndjek fazën tjetër të karrierës sime, ndërkohë që kam ende shumë energji dhe pasion për fushën time. Unë dua të përdor atë që kam mësuar si Drejtor i NIAID-it për të vazhduar të përparoj shkencën dhe shëndetin publik dhe për të frymëzuar dhe për t’i dhënë mend brezit të ardhshëm të udhëheqësve shkencorë, ndërsa ata ndihmojnë në përgatitjen e botës për t’u përballur me kërcënimet e ardhshme të sëmundjeve infektive.”
Fauci, 81 vjeç, ka lënë të kuptohet vazhdimisht se do tërhiqej nga postet e tij, por nuk ka dhënë asnjëherë hollësi mbi kohën e caktuar për dorëheqjen.
Republikanët janë zotuar të hetojnë Fauci-n dhe arkitektët e tjerë të politikës së pandemisë amerikane nëse ata fitojnë kontrollin e njërës ose të dy dhomave të Kongresit në zgjedhjet e ardhshme afatmesme.
