Përpjekjet e kancelarit gjerman Olaf Scholz për të siguruar gazin kanadez në mënyrë që të zvogëlojë varësinë e BE-së nga energjia ruse kanë qenë të pasuksesshme, raportoi të martën gazeta Die Zeit.
Scholz u takua me kryeministrin Justin Trudeau në Montreal të hënën për të diskutuar idenë e dërgimit të një pjese të gazit natyror të bollshëm të Kanadasë përtej Atlantikut në terminalet në Gjermani.
Megjithatë, Trudeau dukej se e la ‘me gisht në gojë’ kancelarin mbi një ide të tillë, sipas raportit.
Ndërsa nuk përjashtoi një rol për gazin natyror kanadez në zbutjen e mungesës së energjisë në Evropë, udhëheqësi kanadez deklaroi se nuk ka ende një rast të qartë biznesi për ndërtimin e një terminali eksporti të gazit natyror të lëngshëm (LNG) në Saint John ose gjetkë.
Ai më pas vuri në dukje se gazi natyror do të duhej të transportohej me tubacion nga fushat e Kanadasë Perëndimore në një terminal të lëngëzimit ende të pandërtuar në bregdetin e Atlantikut.
Kjo do të ishte një ndërmarrje e kushtueshme dhe mund të mos ishte një investim i kujdesshëm, duke pasur parasysh angazhimin e Evropës për kalimin e shpejtë drejt energjisë së pastër, vuri në dukje Trudeau.
