Legjenda e sprintit xhamajkan, Usain Bolt ka paraqitur një aplikim për ta kthyer në markë tregtare logon të pozës së tij të famshme të festës ‘Lightning Bolt’.
Ikona e sprintit në pension, 36 vjeç, bëri këtë lëvizje në SHBA javën e kaluar. Bolt duket se do përdorë logon në produkte të ndryshme, si dhe në restorante dhe një dyqan me pakicë ‘që mbart prodhime ekskluzive.
Marka tregtare përshkruhet si e përbërë nga ‘silueta e një burri në një pozë të veçantë, me një krah të përkulur dhe drejtuar nga koka, dhe krahun tjetër të ngritur dhe drejtuar lart’.
Festimi njihet si ‘To Di World’ në atdheun xhamajkan të Bolt, por gjerësisht quhet ‘The Lightning Bolt’ ose ‘Bolting’ diku tjetër.
Bolt e mbylli karrierën pas Kampionatit Botëror 2017 në Londër dhe më vonë ndoqi një karrierë futbolli, duke iu bashkuar Central Coast Mariners të A-Ligës Australiane.
Vrapuesi shënoi dy herë në një ndeshje miqësore në tetor 2018 dhe festoi me pozën e tij të famshme, por ëndrra e tij futbollistike ngeci dhe ai tha janarin e ardhshëm se ditët e tij sportive kishin mbaruar.
Bolt do të tërhiqej me nëntë medalje olimpike në emër të tij.
