Mund të kalojnë vite përpara se disa nga armët në paketën e ardhshme ‘më të madhe ndonjëherë’ të ndihmës ushtarake amerikane për Kievin të arrijnë në Ukrainë, sipas raporteve të mediave perëndimore.
Një numër mediash kryesore cituan zyrtarë anonimë amerikanë që përshkruanin njoftimin e afërt të një pakete ndihme ushtarake prej 3 miliardë dollarësh për Ukrainën. Nëse konfirmohet, do të ishte më e madhja e këtij lloji deri më tani. Uashingtoni është deri tani furnizuesi më i madh i pajisjeve ushtarake për Ukrainën, teksa kjo e fundit po lufton kundër pushtimit rus.
Megjithatë, disa nga pajisjet e premtuara ‘nuk do jenë në duart e luftëtarëve ukrainas për muaj apo vite’, sipas NBC News, një nga mediat që raportoi paketën e ardhshme. Të përfshira në paketë janë armë të përparuara që janë ende në fazën e zhvillimit, shpjegoi ai.
I njëjti paralajmërim u citua nga Associated Press, që tha se mund të duhen ‘një ose dy vjet’ që armët të arrijnë në fushën e betejës, sipas burimeve të saj. Uashingtoni pret që forcat ukrainase ‘të luftojnë për vitet në vazhdim’, thanë zyrtarët amerikanë për AP.
Droni ‘AeroVironment Switchblade 600’ është një shembull i një sistemi armësh që iu premtua Ukrainës muaj më parë, por ende nuk është dorëzuar. Defense News tha këtë javë se Pentagoni planifikon të nënshkruajë kontratën e nevojshme për dërgimin e 10 prej të ashtuquajturve’“dronë kamikaze’ brenda një muaji.
Muajin e kaluar, ministri ukrainas i Mbrojtjes Aleksey Reznikov u bëri thirrje furnizuesve të huaj të armëve që të përdorin vendin e tij si një terren testimi për armë të reja. Ai u zotua të sigurojë raporte të hollësishme në lidhje me përvojat e ushtarëve ukrainas me prototipet e ofruara atyre.
