Deklarata pritet të ofrojë pamje të reja të hetimit për trajtimin e materialeve të klasifikuara dhe të dhënave presidenciale nga ish-presidenti
Agjentët e FBI-së që kontrolluan shtëpinë e ish-presidentit Donald Trump në Mar-a-Lago hoqën 11 grupe dokumentesh të klasifikuara, duke përfshirë disa të shënuara si top sekret, sipas një urdhri kontrolli të lëshuar nga një gjykatë në Florida të premten.
Departamenti i Drejtësisë ka lëshuar një version të redaktuar të deklaratës që bëri që një gjykatës të miratonte një urdhër për të kontrolluar shtëpinë e ish-presidentit Donald Trump në Mar-a-Lago.
Deklarata, e cila do të depozitohej në gjykatën federale në Florida deri në mesditë, pritet të ofrojë pamje të reja në hetimin e Departamentit të Drejtësisë për trajtimin e materialit të klasifikuar dhe të dhënave presidenciale nga zoti Trump, si dhe justifikimin e qeverisë për bastisjen e 8 gushtit.
Zyrtarët e Departamentit të Drejtësisë, duke përmendur shqetësimet e sigurisë kombëtare dhe frikën e frikësimit të dëshmitarëve, pritet të kenë hequr hollësi të ndjeshme në lidhje me taktikat, drejtimin dhe shtrirjen e hetimit.
Por edhe një dokument i redaktuar mund të hedhë dritë të re mbi atë që çoi në bastisjen, që shkaktoi një përgjigje të furishme politike dhe rriti rrezikun ligjor për ish-presidentin Trump ndërsa ai mendon të rikandidojë për Shtëpinë e Bardhë.
Gjykatësi i magjistraturës amerikane Bruce Reinhart, i cili miratoi urdhrin për të kontrolluar kompleksin në Florida, të enjten urdhëroi qeverinë të lëshonte deklaratën e redaktuar pasi grupet e avokatisë dhe kompanitë e mediave të lajmeve, duke përfshirë Dow Jones & Co., botues i The Wall Street Journal i bëri kërkesë gjykatës në fillim të këtij muaji për ta bërë publik dokumentin.
“Qeveria e ka përballuar barrën e saj për të treguar se redaktimet e saj të propozuara janë përshtatur ngushtësisht për t’i shërbyer interesit legjitim të qeverisë në integritetin e hetimit në vazhdim dhe janë alternativa më pak e rëndë për vulosjen e të gjithë Deklaratës nën Betim.” – shkroi gjyqtari Reinhart në urdhrin e tij.
Agjentët federalë hoqën më shumë se dy duzina kuti nga mjediset e resortit më 8 gusht, duke përfshirë 11 grupe dokumentesh të klasifikuara, disa të shënuara tepër sekrete.
Byroja Federale e Hetimit vendosi të kontrollonte resortin e Trump në Florida pjesërisht për shkak të shqetësimeve se informacioni i klasifikuar mbeti atje pas disa përpjekjeve për ta tërhequr atë nëpërmjet mjeteve të tjera, duke përfshirë muaj negociata dhe një thirrje, kanë thënë njerëz të njohur me këtë çështje.
Zyrtarët e Departamentit të Drejtësisë e kanë mbrojtur masën si një hap të domosdoshëm që vetë Prokurori i Përgjithshëm Merrick Garland e miratoi pas disa javësh diskutime me zyrtarë të tjerë të lartë, përfshirë drejtorin e FBI-së, Christopher Wray.
Trump e ka quajtur kërkimin një ‘gjueti shtrigash’ nga rivalët e tij politikë dhe ka kërkuar të ngrijë çdo hetim të mëtejshëm për materialin e sekuestruar derisa të caktohet një palë e tretë për të përcaktuar nëse pjesë të çështjeve të privilegjit ekzekutiv dhe ato avokat-klient shkelen.
Kërkesa e Trump për një palë të tretë për të mbikëqyrur procesin, e njohur si një ‘mjeshtër special’, iu caktua gjyqtares Aileen Cannon, e cila është pjesë e së njëjtës gjykatë federale. Është e paqartë nëse ajo do vendosë mocionin apo do t’ia referojë gjyqtarit Reinhart. Të martën, gjykatësja Cannon i kërkoi zotit Trump të sqaronte lehtësimin që po kërkonin dhe nëse ajo ka juridiksion. Një dosje nga ish-presidenti Trump që adreson pyetjet e saj pritet të premten.
Avokatët e zotit Trump nuk e kanë parë deklaratën nën betim, por ata nuk i kundërshtojnë përpjekjet për ta çvulosur atë. Aleatët e tij pretendojnë se kjo do të tregojë se Departamenti i Drejtësisë ka tejkaluar sekuestrimin e materialit që Trump ka thënë se ka deklasifikuar.
Kur agjentët filluan mbledhjen e dokumenteve më 8 gusht, njerëz të njohur me hetimin thanë se ata konfirmuan atë që të paktën një person në kompleks u kishte thënë: se dokumente shumë të ndjeshme dhe të klasifikuara ishin vendosur në vende të pasigurta në disa zona të resortit. Shqetësimet se dokumentet ishin të aksesueshme për të huajt përforcuan interesin e Departamentit të Drejtësisë për të kërkuar pronën, thanë njerëzit.
Një urdhër i hapur javën e kaluar nga gjyqtari Reinhart thoshte se hetuesit po kërkonin të gjitha të dhënat që mund të ishin prova e shkeljeve të ligjeve që rregullojnë mbledhjen, transmetimin ose humbjen e informacionit të klasifikuar; heqja e të dhënave zyrtare të qeverisë; dhe shkatërrimin e të dhënave në një hetim federal.
Përballja ka qenë e gjatë në përgatitje. Në janar, Arkivi Kombëtar gjeti 15 kuti me dokumente dhe sende të tjera që zyrtarët thanë se përmbanin informacione të klasifikuara të sigurisë kombëtare, duke nxitur zyrtarët të lajmërojnë Departamentin e Drejtësisë. Kutitë përmbanin më shumë se 700 faqe materiale të klasifikuara, duke përfshirë dokumente të shënuara si jashtëzakonisht të ndjeshme, sipas korrespondencës midis arkivave dhe ekipit ligjor të Trump të bërë publike këtë javë.
Hetuesit ende po kërkojnë të kuptojnë pse Trump u përpoq të mbante dokumentet që ata sekuestruan.
VINI RE: Ky material është pronësi intelektuale e Wall Street Journal
