Deklarata e sapopublikuar që nxiti një gjykatës të miratonte një urdhër bastisje në rezidencën e ish-presidentit Donald Trump në Florida tregon se urdhërarresti nuk duhej të ishte miratuar, tha Trump më 26 gusht.
Gjykatësi Bruce Reinhart, i cili nënshkroi urdhrin, ‘kurrë nuk duhet të kishte lejuar bastisjen e shtëpisë sime’, tha Trump në një postim në platformën e tij ‘Truth Social’.
Reinhart tha gjatë një seance dëgjimore të kohëve të fundit se ai u mbështet në informacionin dhe në asgjë tjetër, kur vendosi të miratonte kërkesën për urdhër.
Urdhri u miratua më 5 gusht dhe u ekzekutua në Mar-a-Lago tre ditë më vonë.
Agjentët kërkuan urdhrin muaj pasi shqyrtuan dosjet e transferuara nga rezidenca e Trump te arkivi i SHBA-së, sipas deklaratës. Ai rishikim, i cili u zhvillua në maj, identifikoi materiale të klasifikuara, duke përfshirë disa që dukej se përfshinin informacione të mbrojtjes kombëtare.
Trump mund të ketë shkelur tre ligje të ndryshme, duke përfshirë një që rregullon trajtimin e materialeve të tilla, tha agjenti që është autori i deklaratës. Emri i atij agjenti u fsheh, ashtu si edhe paragrafë të tërë të informacioneve të tjera.
Reinhart miratoi të gjitha redaktimet që propozoi qeveria.
FBI, e cila është pjesë e Departamentit të Drejtësisë, konfirmoi në dokument se ishte në bisedime me avokatët e Trumpit midis majit dhe bastisjes, duke përfshirë një letër nga një avokat qeveritar që i kërkoi Trump të siguronte dhomën në të cilën ndodheshin dokumente të tjera të ruajtura.
Disa raporte me burime anonime pohuan se dokumentet në lidhje me armët bërthamore u sekuestruan nga Mar-a-Lago. Ato mbeten të pakonfirmuara.
Përgatiti për Hashtag.al, K.Manjani
