Një moment që ka tërhequr shumë komente në rrjetet sociale nga festivali “Sunny Hill”, është shfaqja e flamurit shqiptar por me yllin komunist në krye.
Simbol i vjetër që u vendos mbi flamurin shqiptar në vitet e para të diktaturës, u hoq përgjithmonë në 1992.
Kryebashkiaku i Tiranës Erion Veliaj thotë se flamuri me yll ishte pjesë e një performance artistike e grupit rok “Asgjë Sikur Dielli”, një këngë satirike kundër regjimit komunist, e realizuar 8 vite më parë nga Alban Nimani, lideri i grupit.
Ai ironizon duke thënë se uron që përfaqësuesit e opozitës të luftojnë me të njëjtin zell edhe “Sekretarin e PPSH”-së që kanë në krye, duke iu referuar kështu Sali Berishës.
“Nuk luftohet komunizmi me metoda komuniste! Kënga është një satirë ndaj regjimit! Alban Nimani – dhëndër në Tiranë në një nga familjet më të përndjekura – e ka prodhuar para 8 viteve! Uroj të luftoni me të njëjtin zell sekretarin e PPSH në krye të PD dhe sigurimsin aleat!”– shkruan Veliaj.
Nuk luftohet komunizmi me metoda komuniste!
Kenga eshte nje satire ndaj regjimit! @albannimani – dhender ne Tirane ne nje nga familjet me te perndjekura – e ka prodhuar para 8 viteve!
Uroj te luftoni me te njejtin zell sekretarin e PPSH ne krye te PD dhe sigurimsin aleat! ✌️ https://t.co/Ik4DLifjcV pic.twitter.com/y2gjcKRa1h
— Erion Veliaj #EYC2022 🇪🇺🇦🇱 (@erionveliaj) August 29, 2022
