Nasa ka njoftuar se nisja e misionit Artemis 1 drejt Hënës është anuluar. Kjo për shkak të probleme teknike.
Raketa Space Launch System (SLS) thuhet se është në një “konfigurim të qëndrueshëm” dhe inxhinierët tani do të punojnë në mbledhjen e të dhënave për të parë se çfarë shkoi keq.
Mundësia tjetër e disponueshme për një nisje është 2 shtatori, thotë Derrol Nail i Nasa-s, megjithëse ai shton se kjo varet nga rregullimi për problemin e rrjedhjes së motorit.
Edhe pse për publikun dhe mediet kjo ka ardhur si e papritur, anulimi i misionit të sotëm “nuk është i papritur” sipas Dr Becky Smethurst, e cila është një astrofizikane në Universitetin e Oksfordit.
Sipas saj ka pasur pengesa gjatë provave që në fillim të vitit.
“Kjo fjalë për fjalë është shkencë raketash.”- i thotë ajo BBC-së.
Dr Smethurst lavdëron inxhinierët e përfshirë, duke thënë se ajo imagjinon se atmosfera në terren ishte “çmenduri” ndërsa personeli i NASA-s nxitoi duke u përpjekur të gjente një zgjidhje të minutës së fundit për një problem motori.
Ajo thotë se është “e sigurt” se disa ditë të tjera do të jenë të mjaftueshme për të rregulluar ndonjë pengesë përpara një përpjekjeje të dytë për të nisur raketën në hënë të premten.
