Aleatët e SHBA-së në Evropë janë të dëshpëruar për furnizime alternative të karburantit në mes të luftës në Ukrainë dhe prodhuesit amerikanë janë të lumtur të ofrojnë atë që munden. Megjithatë administrata Biden tani dëshiron të kufizojë eksportet e karburantit.
Ky është mesazhi që Sekretarja e Energjisë Jennifer Granholm dërgoi javën e kaluar në një letër duke u lutur shtatë rafinerive të mëdha të kufizojnë eksportet e karburantit. Wall Street Journal ka marrë një kopje të letrës, të cilën Administrata nuk e publikoi për qytetarët.
Granholm paralajmëron se inventarët e benzinës në Bregun Lindor janë në nivelin më të ulët të dekadës dhe rezervat e naftës janë gati 50% nën mesataren pesëvjeçare në të gjithë rajonin.
“Duke pasur parasysh nivelin historik të eksporteve të produkteve të rafinuara të SHBA-së, unë përsëri ju bëj thirrje që të përqendroheni në një afat të afërt në plotësimin e inventareve në Shtetet e Bashkuara, në vend që të shisni stoqet e tanishme dhe të rrisni më tej eksportet.” – shkruan ajo.
“Shpresojmë që kompanitë ta adresojnë në mënyrë proaktive këtë nevojë.” – shton ajo në letër.
“Nëse nuk ndodh kështu, administrata do duhet të marrë në konsideratë kërkesa shtesë federale ose masa të tjera emergjente.”
Ky është një përshkallëzim politik nga komanda e qershorit e Presidentit Biden ndaj rafinerive për të ulur menjëherë çmimet e benzinës. Ndërsa çmimet mesatare të benzinës në mbarë vendin kanë rënë në 3.88 dollarë nga rreth 5 dollarë në mes të qershorit, ai ka marrë një turne fitoreje mediatike.
Megjithatë, nivelet e ruajtjes së karburantit janë duke u ulur drejt sezonit të uraganeve, kur nuk është e pazakontë që rafineritë e Gjirit të Bregut të dëmtohen ose mbyllen. Administrata ka frikë nga një ndërprerje e rafinerisë që shkakton rritje të çmimeve të karburantit në prag të zgjedhjeve të nëntorit.
Por problemi nuk janë eksportet e SHBA. Është sulmi politik dhe rregullator ndaj prodhimit dhe rafinimit në SHBA. Një fajtor është mbyllja e rafinerisë së Philadelphia Energy Solutions në vitin 2019, e cila hoqi rreth 335,000 fuçi në ditë kapacitet rafinimi nga verilindja. Kjo e bëri rajonin më të varur nga Gulf Coast dhe rafineritë jashtë shtetit.
Nivelet e ruajtjes së karburantit do të ishin shumë më të larta në verilindje nëse nuk do kishte bllokadë të tubacionit të gazit natyror të shtetit të Nju Jorkut, i cili e ka bërë rajonin më të varur nga nafta për energji. Një e treta e banorëve të Nju Ingland ende përdorin naftë për të ngrohur shtëpitë e tyre dhe Nju Jorku këtë muaj po prodhon më shumë energji elektrike nga nafta sesa nga dielli ose era.
Kërcënimi i eksportit të Granholmit është gjithashtu një shuplakë për aleatët evropianë që përpiqen të diversifikojnë burimet e energjisë nga Rusia. Furnizimet me karburant janë të shtrënguara globalisht për shkak të sanksioneve ndaj Rusisë, e cila përbënte 40% të importeve të naftës në Evropë.
Evropës i është dashur të kërkojë diku tjetër për naftë, të cilit disa prodhues të energjisë po i drejtohen si një zëvendësues për gazin natyror. Rafineritë amerikane kohët e fundit kanë eksportuar më shumë karburant në Evropë, por me letrën e fundit nga Sekretarja Granholm, atyre u duhet të ndalojnë eksportin.
Përgatiti për Hashtag.al, K.Manjani
VINI RE: Ky material është pronësi intelektuale e WSJ
