Ngarkesa e parë e grurit nga Ukraina në Afrikë që nga fillimi i luftës është ankoruar në Xhibuti.
Anija po transporton 23 mijë ton grurë për në Etiopinë fqinje, e cila ka nevojë të dëshpëruar për ndihmë ushqimore.
Sipas BBC-së, u deshën dy javë për të udhëtuar në Xhibuti nga Ukraina jugore.
Ky grurë ka për qëllim të ushqejë 1.5 milionë njerëz në Etiopi për një muaj, por kaq nuk mjafton për një vend që po përballet me disa sfida humanitare.
Ukraina dhe Rusia arritën një marrëveshje me Turqinë dhe OKB-në muajin e kaluar për të hapur një korridor që lejon dërgesat ushqimore.
Etiopia, së bashku me vendet e tjera të rajonit, po përjeton një thatësirë të zgjatur. Kjo, si dhe lufta e vazhdueshme civile në rajonin verior të Tigray, ka lënë rreth 20 milionë njerëz në nevojë për ndihmë ushqimore. Xhibuti është një vend i vogël me një popullsi prej 900 mijë banorësh, por ka një nga portet më të ngarkuara në kontinent.
Tani për tani, punëtorët kanë filluar të hipin në anijen me flamur libanez për të shkarkuar ngarkesën e saj të çmuar. Sipas Programit Botëror të Ushqimit (ËFP) do të duhet rreth një javë që gruri të futet në thasë dhe të merret me rrugë për në Etiopi.
