Zyrtarët kanë përfunduar ekzaminimin e tyre të dokumenteve që u morën gjatë një bastisjeje në rezidencën e ish-presidentit Donald Trump në Mar-a-Lago dhe është e mundur që ‘informacionet e privilegjuara sipas rregullit avokati-klient’ të jenë sekuestruar nga agjentët e FBI-së, deklaroi Departamenti i Drejtësisë.
‘Ekipi i shqyrtimit të privilegjeve’ të DD-së u ngarkua me shqyrtimin e dokumenteve, thanë prokurorët në përmbledhjen ligjore të 29 gushtit, duke i kthyer përgjigje një vendimi të fundjavës nga gjyqtarja Aileen M. Cannon për të caktuar një seancë dëgjimore nëse nevojitet një palë e pavarur për të mbikëqyrur krehjen e provave nga departamenti.
Ai ekip ‘identifikoi një grup të kufizuar materialesh që potencialisht përmbajnë informacion të privilegjuar avokat-klient, përfundoi shqyrtimin e këtyre materialeve dhe është në proces të ndjekjes së procedurave’, sipas dosjes së DD-së, e cila vuri në dukje se shqyrtimi ishte kryer para kërkesës së Trump. Prokurorët do japin më shumë informacion këtë javë, thanë ata.
Rreth një javë më parë në një mocion gjyqësor, ekipi ligjor i Trump e quajti kontrollin e FBI-së të pronës së tij të motivuar politikisht dhe agresiv.
Trump dhe anëtarët e ekipit të tij kanë thënë se gjatë kohës që ishte në detyrë, ish-presidenti deklasifikoi një sërë materialesh.
Dokumentet e sekuestruara
Autoritetet federale morën rreth dy duzina kuti me materiale nga Mar-a-Lago më 8 gusht, të cilat dyshohet se ishin të klasifikuara ose tepër sekrete.
Deklarata e redaktuar në mënyrë të konsiderueshme e zbërthyer më 26 gusht zbuloi se agjentët po përpiqeshin të merrnin ‘dokumente fizike dhe të dhëna që përbënin prova, kontrabandë, fryte krimi ose sende të tjera të zotëruara në mënyrë të paligjshme në kundërshtim me ligjin’.
Që nga bastisja, as DD dhe as FBI nuk kanë zbuluar publikisht se çfarë po kërkonin agjentët dhe pse.
