Një 10-vjeçar ka humbur jetën pas një aksidenti me makinë në rrugën Fier-Vlorë.
Ngjarja e rëndë ka ndodhur mëngjesin e sotëm pranë fshatit Panaja ku mjeti që drejtohej nga 33-vjeçari Andi Mithi pasi është përplasur me tabelën anash rrugës ka dalë nga rruga dhe është përmbysur.
Në mjet bashkë me drejtuesin ishin edhe bashkëshortja e tij dhe dy fëmijët e mitur njëri prej të cilëve ka ndërruar jetë.
Andi Mithi, bashkëshortja e tij Albana Mithji e fëmija tjetër 3 vjeç ndodhen në spitalin e Vlorës.
