Qyteti i Majamit po ofron karta dhuratë për njerëzit që shesin armët e tyre personale të zjarrit për t’i dërguar në Ukrainë. Disa ngjarje të tilla t janë mbajtur tashmë në qytet gjatë gjithë verës, e fundit prej të cilave ishte të shtunën e kaluar.
Sipas një fletushke të postuar në llogarinë e qeverisë lokale në Twitter, ata që marrin pjesë në programin e kthimit ‘Guns 4 Ukraine’ (Armë për Ukrainën) mund të presin të marrin një kartë dhuratë prej 50 dollarësh për dorëzimin e një pistolete, 100 dollarë për një armë gjahu ose pushkë dhe deri në 150 dollarë për një armë automatike AR-15 ose AK-47.
Armët e zjarrit të bëra në shtëpi ose që janë replika nuk mund të marrin dhurata por gjithsesi mund të dorëzohen ‘për sigurinë publike’. Qëllimi i programit nuk është vetëm të ndihmojë Ukrainën, por edhe të ndihmojë në heqjen e armëve nga rrugët e Majamit, sipas zyrtarëve të qytetit.
Gjatë ngjarjeve të mëparshme ‘Guns 4 Ukraine’ të mbajtura në fund të qershorit dhe korrikut, policia e Majamit pretendoi se kishte mbledhur 167 pushkë sulmi dhe pistolea, të cilat komisioneri i qytetit Ken Russell i përshkroi si një ‘përpjekje e paparë’ për të ndihmuar ukrainasit ‘në neevojë’ dhe gjithashtu për të hequr armët nga rrugët e qytetit.
Aleksandr Markushyn, kryebashkiaku i Irpin në rajonin e Kievit të Ukrainës, deklaroi në kanalin e tij Telegram se këto 167 armë zjarri i ishin dërguar Irpinit në atë që është ‘një precedent në historinë e partneritetit ndërkombëtar midis Ukrainës dhe SHBA-së’.
SHBA ka qenë furnizuesi më i madh i ndihmës ushtarake për Ukrainën që kur Rusia nisi operacionin e saj ushtarak në vend në fund të shkurtit.
Në fillim të kësaj jave, presidenti i SHBA Joe Biden njoftoi një paketë të re ndihme ushtarake prej 2.98 miliardë dollarësh për Kievin, më e madhja deri më tani.
