Me një platformë politikash të krijuar nga inteligjenca artificiale, Partia Synthetic shpreson të marrë pjesë në zgjedhjet e përgjithshme të Danimarkës në vitin 2023.
Nga të gjitha problemet që inteligjenca artificiale (AI) është shfrytëzuar për të zgjidhur, terreni i çrregullt dhe i ndërlikuar i çështjeve politike njerëzore është ai që ka mbetur përtej fushëveprimit të tij të zbatimit.
Kjo mund të jetë edhe për pak kohë, pasi një parti politike daneze shpreson të sjellë një epokë të re të partneritetit njerëzor-algoritmik.
E nisur në maj, Det Syntetiske Parti (Partia Sintetike), e cila synon të jetë ‘partia e fundit e re në Danimarkë’, po thyen traditat duke nxjerrë politikat e saj tërësisht duke përdorur AI (Artificial Intelligence).
Projektuar dhe programuar nga kolektivi artistik Computer Lars në partneritet me Fondacionin jofitimprurës të teknologjisë MindFuture, partia algoritmike shpreson të dalë në zgjedhjet e ardhshme të përgjithshme të vendit në qershor 2023, me synimin për të synuar 20 përqind të votuesve danezë që nuk votuan në zgjedhjet e mëparshme në vitin 2019.
Për Asker Bryld Staunaes, një nga anëtarët themelues të kolektivit Computer Lars, Partia Sintetike përfaqëson ‘vizionin politik të personit të zakonshëm’.
Motivimi është që të ‘fusim inteligjencën artificiale në sferën njerëzore të debatit dhe diskursit’, thotë Bryld Staunaes për TRT Ëorld. Ai vë në dukje se deri më tani, nuk ka pasur asnjë mënyrë për të trajtuar konkretisht njerëzit dhe inteligjencën artificiale brenda një konteksti demokratik.
Publiku mund të ndërveprojë me inteligjencën artificiale të partisë në platformën e mesazheve Discord përmes chatbot-eve, ku njerëzit mund të takojnë kreun, Liderin Lars, sekretarin e partisë Kompjuterin Lars dhe mishërimin e chatbot-it të të gjithë anëtarëve të partisë.
“Computer Lars kuron serverin Discord për të edukuar njerëzit se si të përdorin inteligjencvën artificiale si një mjet eksplorimi politik.” – thotë Bryld Staunaes.
“Mund të na tregojë shumë për vizionin politik dhe diskursin e njerëzve normalë.”
Ndërsa shumë persona e kanë të panjohur përfshirjen me një entitet jo-njerëzor, Bryld Staunaes beson se është një sfidë që mund të kapërcehet, duke theksuar entuziazmin në rritje pas ndërveprimeve njeri-inteligjencë artificiale në server.
Partia Sintetike është një nga mbi 230 ‘mikro-partitë’ në Danimarkë të krijuara gjatë viteve, shumica e tyre bazohen në kritikimin e shoqërisë dhe jo në formulimin e politikave për zgjidhjen e çështjeve shoqërore.
Megjithatë, nëse partia do jetë në gjendje të përfshihet zyrtarisht në zgjedhjet e vitit të ardhshëm, mbetet e paqartë. Në Danimarkë, një parti ka nevojë për 20,182 nënshkrime për të dalë në zgjedhjet parlamentare dhe të dhënat zyrtare tregojnë se Partia Sintetike ka vetëm katër nënshkrime për momentin.
Nëse ndodh të fitojë një vend parlamentar, partia ka njoftuar se do të përdorë mandatin e saj për të emëruar një përfaqësues të ngarkuar për të siguruar një lidhje midis inteligjencës artificiale dhe debateve të organizuara në parlament.
