Gjiganti rus i energjisë Gazprom ka njoftuar se furnizimet me gaz nga gazsjellësi Nord Stream 1 nuk do të rifillojë sipas planit të shtunën. Kjo për shkak se të dëmtimit të motorit të turbinës.
Siç shkruan Reuters, kompania shtetërore energjetike tha se turbina kryesore e gazit në stacionin e kompresorit Portovaya pranë Shën Petersburgut u zbulua se kishte një rrjedhje vaji në motor gjatë një inspektimi të përbashkët me Siemens Energy e cila mirëmban turbinën.
Në njoftim thuhet se turbina nuk mund të funksiononte në mënyrë të sigurt derisa të riparohej rrjedhja dhe nuk u dha asnjë afat kohor për rifillimin e furnizimit me gaz nëpërmjet tubacionit, i cili do të kthehej në punë të shtunën pas një pauze treditore.
Gazprom tha në Telegram se raporti i zbulimit të rrjedhjeve të naftës “u nënshkrua gjithashtu nga përfaqësues të Siemens”.
Duke cituar Siemens, Gazprom tha se riparimet e nevojshme mund të kryheshin vetëm në “kushtet e një punishteje të specializuar”. Po ashtu u publikua edhe një fotografi që tregonte rrjedhjen e naftës në pajisjet në stacionin e kompresorit.
Tubacioni Nord Stream 1, i cili kalon nën Detin Baltik për të furnizuar Gjermaninë dhe të tjerët me gaz, kishte funksionuar me vetëm 20% të kapacitetit edhe përpara se flukset të ndaleshin për tre ditë këtë javë për shkak të në operacioni mirëmbajtjeje.
