Një person është vrarë pasditen e sotme në Shkodër pasi është qëlluar me armë zjarri.
Viktima është identifikuar si 54-vjeçari Ismet Çekorja.
Ngjarja ka ndodhur në lagjen Kiras pranë ish-shkollës së veterinarisë.
Viktima është babai i Bajram Çekores, një nga të arrestuarit që akuzohen për atentatin ndaj Alban Bruçit më 25 gusht në Shkodër.
Pak ditë më parë ai u shfaq në media duke deklaruar se i biri nuk kishte asnjë lidhje me atentatin.
Atentati ndodhi më 25 gusht ku ndaj mjetit të 25-veçarit Bruçiriut u qëlluan mbi 19 plumba por ai ia doli të shpëtojë. Për ngjarjen janë shpallur në kërkim 24-vjeçari Bajram Çekorja dhe 20-vjeçari Tonato Fusha.
