Çmimet e larta të energjisë kanë detyruar shumë fabrika holandeze të mbyllen, raportuan mediat vendase të shtunën.
Çmimet gjithnjë në rritje të energjisë goditën rëndë veçanërisht sektorët me energji intensive si industria metalike, sipas faqes së internetit të lajmeve NU.
Duke folur në faqen e internetit, ekonomistët paralajmëruan se kompanitë në industrinë kimike, të letrës dhe ajo ushqimore gjithashtu ka të ngjarë të preken nga rritja e çmimeve të energjisë dhe kështu mund të duhet të zvogëlojnë ose mbyllin plotësisht operacionet e tyre.
Lize Nauta e Rabobank vuri në dukje se kompanitë do jenë më pak të suksesshme në të ardhmen e afërt dhe do kalojnë koston në rritje të energjisë tek klientët, të cilët vetë do të jenë më pak të gatshëm të paguajnë më shumë për të njëjtin produkt.
“Ne presim që çmimet e energjisë të mbeten të larta për një kohë të gjatë. Prandaj pritet që disa kompani të shikojnë edhe mënyra të tjera të prodhimit. Për shembull, duke përdorur energjinë e gjelbër në vend të gazit, nëse është e mundur.” – tha ajo.
Albert Jan Swart i ABN AMBRO tha se nuk ka alternativë për disa mallra si ushqimet bazë që duhet të blihen pa marrë parasysh sa të shtrenjta mund të jenë.
