Rreth 60% e fabrikave në Britani rrezikojnë të mbyllen pasi faturat e energjisë në gjithë vendin vazhdojnë të rriten, raportoi Bloomberg të shtunën, duke cituar një sondazh të kryer nga MakeUK, një grup lobi për fabrikat britanike.
Gati gjysma e prodhuesve kanë parë rritje të faturave të energjisë elektrike me më shumë se 100% gjatë vitit të kaluar, sipas grupit të lobit.
“Kriza po i lë bizneset përballë një zgjedhjeje të ashpër.” – tha MakeUK.
“Ndërpritni prodhimin ose mbyllni dyqanin fare nëse ndihma nuk vjen së shpejti.” – vijon deklarata.
Autoritetet e Britanisë kanë qenë nën presion të madh gjatë vitit të kaluar për të trajtuar krizën e energjisë, me disa masash mbështetëse të zbuluara për të ndihmuar qytetarët dhe bizneset të përballen me kostot në rritje.
Sipas një indeksi të menaxherëve të blerjeve të publikuar nga S&P Global, sektori i fabrikave të vendit tashmë është në rënie.
Ndërkohë, sondazhi i MakeUK tregon se 13% e fabrikave kanë pakësuar orët e tyre të punës ose po shmangin periudhat e pikut, me 7% që ndalojnë prodhimin për periudha më të gjata.
