Një përplasje ka ndodhur sot mes ministrit të Drejtësisë Ulsi Manja dhe deputetes së PD-së Flutura Açka.
Në fakt debati fillimisht nisi mes deputetit tjetër Helidon Bushatit dhe ministrit për çështjen e krizës energjetike dhe vendimit të fundit të qeverisë për çmimet. Manja mori fjalën nga vendi, e ndërsa kritikonte Bushatin në një moment i ndërhyn deputetja Açka.
Kësaj të fundit Manja i drejtohet me fjalët “ik lahu tek pishinat e Irfanit”, gjë që nuk i pëlqeu deputetes.
“Në fakt unë nuk jam ekspert i fushës në energji siç është z.Bushati, por ama duhet të jemi seriozë z.Bushati. Mua më vjen keq që në 2013-ën shqiptarët vendosën me votë ta ndërpresin vizionin e madh të PD-së për t’u bërë eksportuese e energjisë. Po bëhuni pak seriozë!
Të lutem zonjë, shko atje tek Irfani ti të lahesh në pishinë se s’kam fjalë me ty. Të lutem z.Bushati të jemi njëçik seriozë, Shqipëria në vitet 2009-2013 quhej Republika e gjeneratorëve. Nga 2013 e sot shqiptarët ja ku janë, nuk ke gjenerator ku ti ndezë. Edhe spitalet punonin me gjenerator. Sa për humbjet në rrjet pastaj, që t’i qahesh se ishte vizioni juaj, mos flasim për humbjet që ishin mbi 50%. Mos dilni këtu e të bëni ekspertin kur Shqipëria, e ka menaxhuar dhe po e menaxhon krizën energjetike përkundër rritjes së çmimeve në mënyrë të shkëlqyer. Rrini tek Republikae gjeneratorëve e mos hyni këtu t’u shisni shqiptarëve vizionin tuaj për 2015-ën, fuqi eksploeruese në Ballkan.”– tha Manja.
Zv.kryetarja e Parlamentit Ermonela Felaj pas fjalës së ministrit, nuk e kritikoi atë për fjalorin e përdorur ndaj deputetes, por vetëm këtë të fundit sepse ksihte folur pa leje. Açka kërkoi me ngulm fjalën dhe tha që për ndërhyrjen pa leje kërkon ndjesë, por nuk pranoi komentet e ministrit.
Açka tha se ku lahet ajo është punë për të. Madje i kujtoi Manjës se kolegët e tij të maxhorancës kishin pushuar tek resorti në fjalë. Ndërsa ajo kishte shkuar për shkak të detyrës.
“Nëse kam ndërhyrë nga vendi kërkoj ndjesë. Nuk kam turp fare të kërkoj ndjesë për gabimet e mia, por ju tërheq vëmendjen se edhe kur ishte z.kryeministër këtu, në kohën që u ul zonja Zhupa mbasi foli, kryeministri juaj ka folur 10 minuta dhe është tallur 10 minuta dhe e ka bullizuar 10 minuta deputeten. Ku e gjen ky njeri kurajon të flasë nga vendi, dhe madje mos t’i bëni asnjë vërejtje. Ka mundësi, t’i bëni njëherë vërejtje këtij njeriu ku vjen këtu.
Kur ju ta bëni detyrën tuaj, unë po. Megjithatë unë prap po kërkoj ndjesë sot nëse unë kam bërë gabim, por zotëria i nderuar, ministri, nuk ka të drejtë fare të më përmendë mua pishina, kur në fakt e thanë vetë punëtorët e resortit që kanë qenë aty njerëzit tuaj. Vetëm sa nuk ju treguan dashnorët, të gjitha i treguan, e lanë dhe kafshuan gjuhën vetëm tek dashnorët.
Kështu që para se të më përmen dë mua pishinat, unë ka m qenë aty si kryetare e Komisionit të Medias, sepse e di që me paratë e atij resorti, mbahet një media shumë prestigjioze në Shqipëri, ndër të vetmet që të paktën nuk e ka ulur shpinën para publikut. Prandaj kur të flisni për mua herë të tjera ejani me fakte. Se ku lahem dhe kur lahem unë është çështja ime, por kur të keni fakte publike, ejani këtu dhe unë do t’ju kërkoj ndjesë. Megjithatë për pjesën që fola ju kërkoj ndjesë. Kaq kisha.”- tha Açka.
