Në kongresin kombëtar të arsimit që u mbajt sot në Tiranë, Ambasadorja e SHBA-ve Yuri Kim tha se SHBA do vijojë mbështetjen për të rinjtë, për të përmirësuar sistemin arsimor. Mes të tjerash gjatë fjalës së saj, ambasadorja zbuloi se nuk do mundet dot kurrë të mësojë gjuhën shqipe, pasi e ka të pamundur.
“Doja të thoja që ditën e parë të shkollës jo të gjithë mund të bëhemi mësues por të gjithë kemi qenë studentë e nxënës, uroj e falëndëroj mësuesit ndërsa fillon viti i ri shkollor. Ky do jetë një vit i shkëlqyer. Një muaj më parë hapët zyrtarisht negociatat, për t’u bërë anëtar i BE, për të marrë vendin tuaj të drejtë si një vend anëtar me të drejta të plota e SHBA mbështeten në këtë. Arsimimi do jetë kyc se sa shpejt do lëvizni e sa përparim do bëni.
Mbështetja jonë është e rëndësishme për ne gjithashtu se politika jonë është duam t’ju shohim tërësisht të integruar në Evropë dhe mbështetje për politikën tuaj arsimore është po aq e rëndësishme për ne sa është mbështetja jonë për reformën në drejtësi e luftën kundër korrupsionit.
Do të shihni më shumë studiues e specialistë amerikanë që do vijnë këtë vit, ata do vendosen në uninversitetet shqiptare në Tiranë, Gjirokastër e Durrës e do lidhen me shqiptarët anembanë vendit për të ndihmuar në arritjen e objektivave, ndërkombëtarizimin e unversitetit dhe trajnim për mësuesit e gjuhës angleze.
Shqipëria ka mikpritur vullnetarë që kanë zotëruar gjuhën shqipe, diçka që unë nuk do ia dal mbanë se është vërtet e pamundur. Si mik e partner i juaji, SHBA do vazhdojnë t’ju mbështesë ndërsa përmirësoni sistemin tuaj arsimor në Shqipëri, shpresoj që mos humbisni kurrë nga sytë vetë studentët që na folën këtë mëngjes, kjo është detyra jonë ndaj tyre, të përmirësojmë sistemin arsimor këtu, t’u japim mundësinë më të mirë që kanë, për t’ja dalë mbanë këtu në Shqipëri, për ti dhënë aftësitë më të mira qe kanë për të sjellë ndikim këtu në Shqipëri, Evropë dhe botë.”- deklaroi ambasadorja.
