Ukraina thotë se ka prova të një varri masiv në Izyum, qyteti verilindor i çliruar së fundmi nga pushtimi rus.
Kreu i policisë rajonale Volodymyr Tymoshko tha për BBC se më shumë se 400 trupa mendohet se ishin varrosur atje.
“Rusia lë vdekjen kudo.”– tha Presidenti Volodymyr Zelensky, duke përmendur varreza të tjera masive të raportuara pas tërheqjes së trupave ruse.
Ukraina dhe aleatët e saj perëndimorë i kanë akuzuar trupat ruse për krime lufte. Por Moska e mohon këtë.
Nuk është ende e qartë se çfarë ndodhi me viktimat, por shumë sugjerojnë se mund të kenë vdekur nga bombardimet dhe mungesa e aksesit në kujdesin shëndetësor.
Ka gjithashtu shenja se disa nga varret mund t’i përkasin ushtarëve ukrainas.
Tymoshko tha se zhvarrosjet do të fillojnë të premten për të marrë një pamje më të qartë të numrit të viktimave në qytet, i cili ishte nën pushtimin rus për më shumë se pesë muaj.
Dhe në fjalimin e tij vonë të enjten, Presidenti Zelensky tha se më shumë “informacione të qarta dhe të verifikuara” do t’u paraqiten të premten gazetarëve ukrainas dhe të huaj.
“Ne duam që bota të dijë se çfarë po ndodh në të vërtetë dhe në çfarë ka çuar pushtimi rus. Bucha, Mariupol, tani, për fat të keq, Izyum.”- tha ai.
Udhëheqësi ukrainas po i referohej varreve masive të supozuara të gjetura këtë pranverë në Bucha, pranë kryeqytetit Kiev, dhe gjithashtu pranë Mariupolit – porti kryesor juglindor i Ukrainës i pushtuar tani nga trupat ruse. Andriy Yermak, kreu i zyrës së Presidentit Zelensky, postoi një foto të varrit masiv të supozuar, duke thënë gjithashtu se priten më shumë informacion të premten.
A mass burial was found in Izyum, Kharkiv region. Necessary procedures have already begun. All bodies will be exhumed and sent for forensic examination. Expect more information tomorrow.
Russia is a murderer country. A state sponsor of terrorism. pic.twitter.com/7pKTrYvlUF
— Andriy Yermak (@AndriyYermak) September 15, 2022
