Ministri i Jashtëm hungarez Peter Szijjarto ka thënë se qeveria e tij konservatore mund të presë ‘marrëdhëniet më të mira politike ndonjëherë’ me SHBA-në, nëse Donald Trump rizgjedhet në vitin 2024.
“Ne punojmë së bashku me ata që janë zgjedhur në SHBA.” – tha Szijjarto për Fox News në margjinat e Asamblesë së Përgjithshme të Kombeve të Bashkuara në Nju Jork të enjten.
“Epo, duhet të jemi të sinqertë. Nëse shikoni marrëdhëniet politike nën administratën konservatore ose republikane dhe nën një administratë demokrate, ka një ndryshim të madh.”
Ish-presidenti Donald Trump ishte një admirues i kryeministrit hungarez Viktor Orban, duke e lëvduar Orbanin ndërsa ishte në detyrë dhe duke i dhënë synimit për rizgjedhjen e kryeministrit ‘mbështetjen e plotë’ të tij në fillim të këtij viti.
Të dy liderët kanë kundërshtuar emigracionin masiv dhe janë pozicionuar si kundërshtarë të liberalizmit dhe globalizmit dhe të dy kanë marrë reagime nga OJQ-të dhe mediat për këto pikëpamje, me BE-në që kërcënon gjithashtu të ndërpresë fondet për Hungarinë.
Presidenti Joe Biden, nga ana tjetër, iu referua publikisht qeverisë së Orbanit si një ‘regjim totalitar’, i dha fund një traktati tatimor me kombin e Evropës Qendrore dhe ftoi çdo lider të BE-së, përveç Orbanit, në një ‘Samit për Demokraci’ vitin e kaluar.
“Në mandatin e presidentit Trump, ne kishim marrëdhëniet më të mira politike ndonjëherë midis dy vendeve.” – tha Szijjarto për Fox.
“Ne e respektojmë shumë Donald Trump.”
I pyetur nëse Hungaria do dëshironte që Trump të kthehej në Shtëpinë e Bardhë në vitin 2024, Szijjarto tha se ishte ‘shumë i sigurt’ se e njëjta marrëdhënie ‘më e mira ndonjëherëë’ do rifillonte nëse Trump do kandidonte përsëri dhe do fitonte.
Orban dhe Trump kanë gjetur gjithashtu gjuhën e përbashkët për konfliktin në Ukrainë. Trump e ka kritikuar vazhdimisht Biden për dërgimin e armëve në vlerë prej dhjetëra miliarda dollarësh në Ukrainë, duke akuzuar pasardhësin e tij se rrezikon ‘Luftës e Tretë Botërore’.
Orban, i cili ka kundërshtuar të lejojë hyrjen e armëve në Ukrainë përmes kufijve të Hungarisë, deklaroi publikisht në korrik se konflikti nuk do kishte ndodhur ‘nëse do të kishim qenë pak më me fat dhe në këtë orë vendimtare Presidenti i Shteteve të Bashkuara të Amerikës të quhej Donald Trump’.
Besohet gjerësisht se Trump po përgatitet të shpallë kandidaturën e tij për vitin 2024 dhe tha në fillim të këtij muaji se ai do ‘marrë një vendim në të ardhmen e afërt’.
