Presidenti ukrainas Zelensky i tha televizionit francez të premten se ai është ‘i tronditur’ që Izraeli nuk ka dërguar armë për të ndihmuar ushtrinë e tij të luftojë forcat ruse. Zelensky më pas pretendoi se Jeruzalemi Perëndimor është nën ndikimin rus.
“Jam i tronditur.” – i tha Zelensky një grupi gazetarësh nga shumë media franceze.
“Nuk e kuptoj. Izraeli nuk na ka dhënë asgjë, asgjë, zero.” – vijoi ai.
“Unë e kuptoj që ata duhet të mbrojnë tokën e tyre, por kam marrë informacione se Izraeli po eksporton armatimin e tij në vende të tjera.”
Zelensky ka të ngjarë t’i referohej shitjes së Izraelit të sistemit të tij të mbrojtjes raketore ‘Iron Dome’, Qipros, e cila u raportua muajin e kaluar, por nuk u konfirmua nga qeveria izraelite. Vitin e kaluar, eksportet e mbrojtjes së Izraelit arritën në 11.3 miliardë dollarë rekord, me 41% të klientëve të tij të vendosur në Evropë.
Ndërsa Izraeli dënoi operacionin ushtarak të Rusisë në Ukrainë dhe iu përmbajt sanksioneve të SHBA-së ndaj Moskës, ai nuk ka vendosur sanksione të veta ndaj Rusisë dhe është përmbajtur nga dhurimi i armëve për Kievin. Në vend të kësaj, Jeruzalemi Perëndimor ka dërguar pajisje mbrojtëse si parzmore dhe helmeta, si dhe ndihma humanitare.
Kjo nuk e ka kënaqur Zelenskyn, i cili deklaroi në prill se dëshironte që Ukraina të bëhej një ‘Izrael i madh’, në të cilin qytetarët janë të armatosur dhe të gatshëm për shërbimin ushtarak në çdo kohë.
“Ka pasur diskutime me liderët e Izraelit dhe kjo nuk e ndihmoi Ukrainën.” – u tha Zelensky gazetarëve francezë.
Sipas Times of Israel, Izraeli ndërhyri për të parandaluar SHBA-në të furnizonte Ukrainën me bateri raketash ‘Iron Dome’ përpara fillimit të operacionit ushtarak të Rusisë në shkurt.
