Gjatë një takimi me banorë të Gramshit, ish-kryeministri Sali Berisha u ndal tek vendimi i qeverisë për mbylljen e kopshtit të Turgut Ozal, “Zubeyde Hanim” dhe shkollës “Mehmet Akif”.
Ai theksoi se nuk mund të mbyllet kopshti i fëmijëve dhe shkollës me standardet nga më të mirat, ndërsa shtoi se kryeministri Edi Rama s’ka ndjenja për shqiptarët.
“Si mund të mbyllësh kopshtin 250 fëmijëve, si mund të mbylli shkollën? Nga Gramshi më tha një qytetar se në shkollën Mehmet Akif kishte vajzë, ajo shkollë ka edhe konvikte. Çfarë ndodhi sot? Gjykatësi lexoi atë që i lexoi Rama.
Ai nuk ka ndjenja për qytetarët e tyre, por sheh vetëm karrigen e tij, Ai që i thotë vetes njeri e ka të papranueshme, nuk i mbyllet kopshti fëmijëve. Ndaj dhe thirrja ime për ju për çdo qytetar të Gramshit, të vendosë për të shpëtuar Gramshin, Shqipërinë, nga kjo rrokullisje e një njeriu që në qëndrimet e tij nuk ka asgjë njerëzore dhe kombëtare. Çdo shqiptar që i thotë vetes shqiptar, e sheh se si ky ka idhull presidentin e Serbisë, bën avokatinë e tij dhe fajëson kryeministrin e Kosovës se po merret me të shkuarën. Por ajo të shuar që ka 20 vjet, ka shqiptarë të vrarë dhe nuk mund të harrohet. Ky vetëm shqiptar nuk është. Ik duhet t’i themi me revolta popullore, koha është që çdo qytetar të ngrihet për t’i dalë zot vetes tonë.”- tha Berisha.
