AppStore i Apple bllokoi në fillim të javës shumicën e aplikacioneve të ofruara nga ekosistemi rus VK, duke përfshirë shërbimin më të madh të rrjeteve sociale në vend, VKontakte. Gjiganti amerikan i teknologjisë deri tani nuk ka dhënë publikisht ndonjë arsye për këtë veprim.
Heqja preku gjithashtu VK Music, bordin e reklamave të klasifikimeve Youla, platformën e pasurive të paluajtshme Domclick dhe aplikacione të tjera.
Holding VK (i njohur më parë si Mail.ru Group) ka konfirmuar heqjen e aplikacioneve, duke i siguruar përdoruesit se aplikacionet e instaluara tashmë do vazhdojnë të punojnë në pajisjet Apple.
“VK do vazhdojë të zhvillojë dhe mbështesë aplikacione për iOS. Ekspertët tanë bëjnë gjithçka për të ruajtur dhe për të vazhduar të përmirësojnë komoditetin e përdoruesit.” – tha kompania në një deklaratë, duke pranuar megjithatë se përdoruesit e fundit mund të kenë probleme me to.
Apple ka qëndruar në heshtje për këtë çështje dhe nuk ka dhënë asnjë arsye për heqjen e aplikacioneve të VK.
Heqja e aplikacioneve nga AppStore bëri që aksionet e VK të bien në tregun rus të aksioneve, duke humbur më shumë se 20% të hënën.
