Një aktiviste që po bënte fushatë kundër avionëve privatë në Mbretërinë e Bashkuar hodhi një enë plastike plot me atë që ajo pretendoi se ishte ‘nevojë e lëngshme njerëzore’ mbi një memorial për mbledhjen e fondeve Covid-19 dhe veteranin e Luftës së Dytë Botërore, kapitenin Tom Moore të premten, duke kërkuar për të tërhequr vëmendjen ndaj hipokrizisë së qeverisë për ndryshimet klimatike.
“Sa herë që një avion privat ngrihet, ai derdh një kovë me nevojë mbi gjithçka që Kapiteni Tom përfaqësonte.” – tha Maddie Budd, e përshkruar nga llogaria në Tëitter e ‘End UK Private Jets’ si një 21-vjeçare.
Moore ishte një oficer i Ushtrisë Britanike i cili vendosi të dhuronte 1000 stërlina për NHS (Shërbimi Mjekësor Kombëtar) gjatë pandemisë Covid-19 duke ecur 100 xhiro rreth oborrit të shtëpisë së tij.
Në kohën kur vdiq në moshën 100-vjeçare, pasi kishte rezultuar pozitiv me virusin, ai kishte mbledhur mbi 33 milionë stërlina (40 milionë dollarë). Ai u shpall kalorës nga Mbretëresha Elizabeth II në një ceremoni.
