Mbi 15.000 dyqane gjermane po përballen me falimentim për shkak të kostove të larta të energjisë, raportoi të premten Der Spiegel, duke cituar Shoqatën Gjermane të Shitjes me Pakicë (HDE).
Sipas raportit, HDE i shkroi një letër zv.Kancelarit dhe Ministrit të Ekonomisë Robert Habeck, në të cilën paralajmëroi se ‘shpërthimi i kostove të energjisë’ po e bën të pamundur që numri në rritje i shitësve me pakicë të përballojë jetesën.
Grupi e quajti gjendjen ‘ekzistencialisht kërcënuese’ dhe tha se rreth 16,000 biznese mund të falimentojnë këtë vit, ndërsa ‘tendenca negative’ ka të ngjarë të vazhdojë deri në vitin 2023.
Grupi tha se rritja e kostove të energjisë, të cilat janë rritur me 147% mesatarisht që nga fillimi i vitit, po i pengon shitësit me pakicë të kenë fitime. Pjesa e kostove të energjisë elektrike në vëllimet e shitjeve për shitësit ka arritur tashmë pothuajse 3% mesatarisht dhe shumë në industri presin që kjo shifër të rritet deri në 5% në 2023.
Sipas Presidentit të HDE-së, Josef Sanktjohanser dhe drejtorit menaxhues Stefan Genth, kthimet e gjeneruara në shumë sektorë të shitjes me pakicë janë tashmë jashtëzakonisht të ulëta sot. Në rastin e veshjeve, fitimi operativ në përqindje të shitjeve është 2.1%, ndërsa në rastin e këpucëve aktualisht është negativ në -1.2%. Edhe në segmentin ushqimor është vetëm 2-4%.
Një gjendje e tillë mund të vendosë shumë kompani ‘në disavantazh’, paralajmëroi grupi. Duke pasur parasysh rënien e mprehtë të fuqisë blerëse të familjeve private dhe inflacionin rekord të lartë, ka të ngjarë që nuk do jetë e mundur të zhvendosen kostot në rritje të energjisë tek konsumatorët, thekson HDE.
Prandaj, grupi i kërkoi Berlinit të ndërhynte duke kufizuar përkohësisht tarifat dhe duke ulur taksat e energjisë elektrike në minimum.
