Sekretari amerikan i Shtetit Antony Blinken i tha ministrit të Jashtëm ukrainas Dmitry Kuleba se Uashingtoni do e ndihmojë Ukrainën ‘të rimarrë kontrollin e territorit të saj’ me forcë nëse është e nevojshme.
Presidenti ukrainas Zelensky ka deklaruar vazhdimisht se qëllimi i tij është të kapë të gjitha tokat e pretenduara nga Rusia, përfshirë Krimenë.
“Shtetet e Bashkuara do respektojnë gjithmonë kufijtë e Ukrainës të njohur ndërkombëtarisht dhe do vazhdojnë të mbështesin përpjekjet e Ukrainës për të rimarrë kontrollin e territorit të saj duke forcuar dorën e saj ushtarakisht dhe diplomatikisht.” – i tha Blinken Kulebas të shtunën, sipas një deklarate nga zëdhënësi i Departamentit të Shtetit Ned Price.
Presidenti i SHBA Joe Biden lëshoi të njëjtën deklaratë fjalë për fjalë të premten, pasi presidenti rus Vladimir Putin nënshkroi marrëveshjet e pranimit për të filluar procesin e futjes së Republikave Popullore të Donetsk dhe Lugansk, si dhe rajonet e Zaporozhye e Kherson, në Federatën Ruse.
Zelensky iu përgjigj masës së Putinit të premten duke deklaruar se ai kurrë nuk do të negocionte një zgjidhje paqeje për sa kohë që presidenti rus të mbetet në pushtet, dhe gjithashtu duke nënshkruar një aplikim që kërkon pranim ‘të përshpejtuar’ në NATO.
Zelensky ka deklaruar vazhdimisht se forcat e tij do të rimarrin të gjitha tokat e mbajtura nga Rusia, përfshirë Krimenë, e cila votoi për t’u bashkuar me Rusinë në 2014, me ‘çdo mjet që ne e konsiderojmë të saktë’.
Megjithatë, sipas Vladimir Putin, sapo republikat e Donbasit dhe Zaporozhye dhe Kherson të përfshihen zyrtarisht në Rusi, ato do të mbroheshin me ‘të gjitha mjetet në dispozicion’.
