Pasuria neto e shefit të mjekësisë amerikane Anthony Fauci u rrit në 12.6 milionë dollarë në vitin 2021, gati dyfishi i 7.6 milionë dollarëve që kishte qenë në vitin 2019, zbuloi të premten grupi mbikëqyrës OpenTheBooks, duke cituar zbulimet financiare që mori nga punëdhënësi i Faucit, Instituti Kombëtar i Shëndetësisë.
Tashmë punonjësi më i paguar në qeverinë federale para pandemisë si drejtor i Institutit Kombëtar për Alergjitë dhe Sëmundjet Infektive, Fauci tërhoqi një pagë prej 456,000 dollarë në 2021 dhe 480,000 dollarë në 2022.
Megjithatë, kjo pagë përfaqëson vetëm një pjesë të parave që ai bëri, ndërsa politikat e tij Covid-19 ndihmuan ta shtynin ekonominë amerikane në recesion.
“Ndërsa Dr. Fauci ka qenë një burokrat qeveritar për më shumë se 55 vjet, vlera e tij neto e familjes u rrit jashtë mase gjatë pandemisë.” – tha CEO-ja i OpenTheBooks Adam Andrzejeëski për Fox Neës, duke ia atribuuar rritjen e pasurisë së mjekut ‘rritjes së pagave në fund të karrierës, çmimeve fitimprurëse në para dhënë nga organizata jofitimprurëse në mbarë botën dhe një portofol gjithnjë e më i madh investimesh’.
Fauci është kritikuar gjatë gjithë pandemisë për gjoja përfitime nga ilaçi i kushtueshëm antiviral Remdesivir, të cilin ai e shpalli standardin për trajtimin e Covid-19, pavarësisht rezultateve të dobëta të provave klinike dhe që ishte kundër këshillave fillestare të Organizatës Botërore të Shëndetësisë.
