Kryetari i Partisë Republikane ka zgjedhur të njëjtin lobist si kryeministri i Kosovës Albin Kurti në SHBA.
Si Mediu, ashtu edhe Kurti kanë zgjedhur Roy Bailey-n, një investitor dhe lobues nga Teksasi, i afërt me ish-presidentin amerikan Donald Trump.
Bailey është një nga mbledhësit kryesor të fondeve të fushatës së kaluar presidenciale të Trump dhe një kontakt jo i ri për Mediun, i cili është më parë ka zhvilluar takime me të siç tregojnë postimet e tij në Facebook.
Por cila është arsyeja që Mediu kërkon të lobojë në SHBA?
Sikurse thuhet në dokumentin e siguruar nga “Hashtag.al” (kliko këtu), Mediu kërkon të organizojë takime me zyrtarë amerikanë me qëllim “për të rritur perceptimin e Shqipërisë me zyrtarët amerikanë”.
Në këtë marrëveshje lobimi, ku nuk jepen detaje mbi pagesat, Mediu hyn në statusin e “anëtarit të Parlamentit” të Shqipërisë, ndërsa Kurti në emër të qeverisë së tij (kliko këtu).
Në fakt kjo marrëveshje lobimi vjen pas disa vizitash që Mediu ka bërë në SHBA këtë shtator, kur është takuar me disa senatorë amerikanë republikanë dhe demokratë.
