Të paktën 34 persona janë vrarë dhe të tjerë janë plagosur në një sulm me armë dhe thikë nga një ish-oficer policie në një qendër parashkollore në Tajlandë. Fëmijë dhe të rritur janë në mesin e viktimave në çerdhe.
Sipas BBC-së, Policia thotë se ai vrau veten dhe familjen e tij pas një gjuetie pas sulmit në provincën Nong Bua Lamphu.
Ende është e paqartë se cili ishte motivi i këtij sulmi. Policia thotë se oficeri u shkarkua vitin e kaluar.
Viktimat e sulmit përfshijnë fëmijë deri në dy vjeç. Të paktën 12 persona janë plagosur.
“Autori erdhi rreth orës së drekës dhe qëlloi së pari katër ose pesë zyrtarë në qendrën e kujdesit për fëmijët.”– tha një zyrtare lokale Jidapa Boonsom, e cila po punonte aty pranë.
“Në fillim njerëzit menduan se ishin fishekzjarre.”- tha ajo, duke shtuar se personi i armatosur më pas hyri në një dhomë të mbyllur ku flinin fëmijët.
Kryeministri i Tajlandës Prayuth Chan-ocha i përshkroi të shtënat si “një ngjarje tronditëse”.
Sulmuesi është identifikuar si ish-oficeri i policisë, Panya Kamrab. Ai u largua nga vendi i ngjarjes me një kamionçinë Toyota me targa regjistrimi të Bangkok.
Një oficer i lartë i policisë në provincën Nong Bua Lamphu tha se 23 fëmijë ishin në mesin e viktimave, raporton agjencia e lajmeve AFP.
Ai tha se Kamrab, një nënkolonel policie, ishte shkarkuar nga detyra vitin e kaluar për përdorim të drogës.
Të shtënat masive në Tajlandë janë të rralla, megjithëse nivelet e posedimit të armëve janë relativisht të larta për rajonin. Armët ilegale janë gjithashtu të zakonshme në vendin e Azisë juglindore, sipas agjencisë së lajmeve Reuters.
Sulmi në çerdhe vjen më pak se një muaj pasi një oficer i ushtrisë vrau dy kolegë të tij në një bazë në Bangkok. Në vitin 2020 një ushtar vrau 29 persona dhe plagosi dhjetëra të tjerë në qytetin Nakhon Ratchasima.
#กราดยิง #หนองบัวลำภู: Thai police reported shooting and casualties in Uthai Sawan subdistrict, Nong Bua Lam Phu province.
Public urged to stay at home or in safe places. Assailant, believed to be armed, fled the scene in a vehicle. Police is searching for the person pic.twitter.com/XOBxZsZ9WA
— Pichayada P. (@PichayadaCNA) October 6, 2022
