Rreziku i një “Armagedoni” bërthamor është në nivelin e tij më të lartë që nga kriza e raketave Kubane e vitit 1962, ka thënë sot presidenti amerikan Joe Biden.
Biden tha se presidenti rus Vladimir Putin “nuk po bënte shaka” kur foli për përdorimin e armëve taktike bërthamore pasi kushte pësuar pengesa në Ukrainë.
Ai shtoi se Shtetet e Bashkuara “po përpiqeshin të kuptonin” mënyrën e daljes së Putinit nga lufta.
SHBA dhe BE kanë thënë më parë se sulmi bërthamor i Putinit duhet të merret seriozisht.
Megjithatë, Këshilltari i Sigurisë Kombëtare i SHBA-së, Jake Sullivan, javën e kaluar tha se, pavarësisht nga sugjerimet bërthamore të Moskës, SHBA nuk kishte parë asnjë shenjë se Rusia po përgatitej së shpejti të përdorte një armë bërthamore.
Siç citon BBC, presidenti Biden tha se arsyeja pse lideri rus nuk kishte bërë “shaka” kur foli për përdorimin e armëve taktike bërthamore, biologjike ose kimike ishte “sepse ushtria e tij, mund të thoni, është shumë e dobët”.
“Për herë të parë që nga kriza e raketave Kubane, ne kemi një kërcënim të drejtpërdrejtë për përdorimin e armëve bërthamore, nëse në fakt gjërat vazhdojnë në rrugën që kishin shkuar.”– u tha Biden kolegëve demokratë, citon BBC. “Ne nuk jemi përballur me perspektivën e Armagedonit që nga Kennedy dhe kriza e raketave Kubane.”
