Presidenti i SHBA Joe Biden ka veçuar Arabinë Saudite dhe Rusinë të premten duke i fajësuar për rritjen e çmimeve të gazit pasi OPEC+ u zhvendos drejt uljes dramatike të prodhimit.
“Unë isha në gjendje të ulja benzinën mbi 1.60 dollarë, por kjo është duke u rritur për shkak të asaj që sapo bënë rusët dhe sauditët.” – tha Biden teksa mbante fjalime në shtetin e Maryland.
Presidenti ka sinjalizuar se po kërkon alternativa pas vendimit të OPEC+ për të ulur prodhimin global të naftës me rreth 2 milionë fuçi në ditë.
Zyrtarët e tij të lartë kanë thënë se kjo është një shenjë se blloku prodhues i naftës pop afrohet me Rusinë, teksa Kremlini është në muajin e shtatët të luftës në Ukrainë. Çmimet globale të naftës janë rritur mbi 10% këtë javë në vazhdën e njoftimit të së mërkurës.
Wall Street Journal raportoi se administrata Biden po përgatitet të ulë sanksionet ndaj Venezuelës për të lejuar Chevron Corp. të rifillojë pompimin e naftës atje.
Lëvizja synon të rihapë tregjet amerikane dhe evropiane për eksportet e naftës nga Venezuela, thanë për të përditshmen financiare njerëz të njohur me këtë çështje.
