Një autobus nga Kosova është sulmuar mbrëmë me gurë në Serbi, derisa po kthehej nga Zvicra.
Rastin për Telegrafin e kanë konfirmuar nga kompania e autobusëve, të cilët kanë treguar se sulmi ka ndodhur në rrugën Nish-Leskovc.
“Po është e vërtetë, rasti ka ndodhur mbrëmë rreth orës 18:50 derisa kemi qenë duke u kthyer nga Zvicra për në Kosovë. Kanë qenë dy persona të maskuar të cilët kanë hedhur gur”, kanë thënë nga kompania “Turist Kosova e Re”, raporton Telegrafi.
Nga kompania kanë deklaruar se në autobusë kanë qenë 20 udhëtarë, por që fatmirësisht askush nuk është lënduar.
“Brenda kanë qenë 20 udhëtarë, por fatmirësisht askush nuk është lënduar”, kanë deklaruar.
Ata thanë se rastin e kanë lajmëruar edhe në Policinë e Kosovës.
