Duke qenë se vjeshta po ndjehet dhe dimri po vjen, vendet evropiane janë të shqetësuara se si do i kalojnë muajt e ftohtë të ardhshëm me më pak energji në dispozicion.
Lufta e Rusisë në Ukrainë ka frenuar frenuar furnizimet e ka rritur ndjeshëm çmimet.
Britania
Ministri britanik i Klimës të premten përjashtoi një fushatë që i kërkonte publikut të përdorë më pak energji, pavarësisht një paralajmërimi nga National Grid se në skenarin më të keq mund të ketë ndërprerje.
Mediat vendase raportuan se kryeministrja Liz Truss bllokoi një fushatë prej 15 milionë stërlinash (16.6 milionë dollarë) të miratuar nga Sekretari i Biznesit Jacob Rees-Mogg për të nxitur njerëzit të përdorin më pak energji.
Mbretëria e Bashkuar mund të përballet me ndërprerje treorëshe të energjisë këtë dimër në skenarin më të keq, paralajmëroi dje National Grid.
Në një përditësim mbi gatishmërinë energjetike të Britanisë për dimër, Operatori i Sistemit të Energjisë Elektrike tha se mundësitë për mungesa serioze të gazit ishin ‘të pamundura’ dhe se kërkesa duhet të plotësohet. Ai gjithashtu nxiti vendin të kursejë energji si një mënyrë për të ndihmuar në parandalimin e ndërprerjeve të energjisë elektrike.
Mbretëria e Bashkuar prodhon 40% të energjisë së saj përmes gazit, i cili është ndikuar nga lufta ruse në Ukrainë, duke shkaktuar një rritje globale të çmimeve. Qeveria britanike ka njoftuar tashmë një paketë shpëtimi prej shumë miliardësh energjie për të ndihmuar familjet dhe bizneset me kostot e energjisë.
BE
Udhëheqësit e BE-së nuk ishin në gjendje të arrinin një marrëveshje mbi kufizimin e çmimeve të gazit në një samit jozyrtar të premten në kryeqytetin çek, Pragë.
Udhëheqësit treguan mbështetje vetëm për vendosjen e masave të përbashkëta të prokurimit të gazit deri në fund të dimrit për të shmangur tejkalimin e njëri-tjetrit në tregje.
Përpara takimit, von der Leyen propozoi një ‘udhërrëfyes’ për udhëheqësit për të kufizuar rritjen e faturave të energjisë duke kufizuar çmimin e tregut të gazit natyror të importuar dhe duke reformuar tregun evropian të energjisë elektrike.
Si pjesë e një reforme të përgjithshme të tregut të BE-së, ata folën edhe për mundësitë e frenimit ose shkëputjes së çmimit të gazit që përdoret për prodhimin e energjisë elektrike. Kjo erdhi pas kërkesës së 15 vendeve të BE-së, përfshirë Spanjën, Francën dhe Italinë.
Sipas rregullave të tanishme, çmimet e larta të gazit kanë pasur një efekt inflacioniste në faturat e energjisë elektrike, të cilat bazohen në çmimin e burimit të fundit dhe më të shtrenjtë të energjisë dhe nuk pasqyrojnë kostot më të ulëta të burimeve të rinovueshme apo të energjisë bërthamore.
Franca
Franca zbuloi të enjten një plan të kursimit të energjisë që synon të zvogëlojë konsumin e energjisë në vend me 10% gjatë dy viteve të ardhshme.
Përveç kësaj, plani synon gjithashtu të frenojë varësinë nga Rusia, të sigurojë furnizimin me energji dhe të braktisë karburantet fosile deri në vitin 2050.
Sipas planit, ka 30 hapa për të pakësuar konsumin e energjisë për zyrtarët publikë, duke përfshirë ngrohjen e ndërtesave publike në maksimum 19 gradë Celsius (66.2F), heqjen e kërkesës për ujë të ngrohtë në tualete, kufizimin e shpejtësisë së automjeteve të shërbimit publik në 110 kilometra në orë, dhe nxitjen e zyrtarëve publikë që të punojnë nga shtëpia.
Pushtetit vendor iu kërkua të ulin temperaturën me 2 gradë në palestrat publike dhe me 1 gradë në pishina.
Reklamat e ndriçuara në rrugë do shuhen mes orës 1 dhe 6 të mëngjesit me orën lokale. Ndërkohë që publiku nxitet të kufizojë ngrohjen e shtëpisë në 19 gradë Celsius (66.2F), të përdorë transportin publik ose të udhëtojë në makina të përbashkëta. Një fushatë për rritjen e ndërgjegjësimit për ruajtjen e energjisë do nisë në vend sot, më 10 tetor.
