Një ditë pasi hapi llogarinë e tij në Twitter, kryeministri hungarez Viktor Orban ka nisur të kërkojë ish-presidentin amerikan Donald Trump.
Ai ka pranuar se atij i mungonte ish-presidenti i Shteteve të Bashkuara në këtë rrjet social.
“Pas ditës sime të parë në Twitter, kam një pyetje në mendjen time. Ku është miku im i mirë, Donald Trump?”– postoi Orban.
Vitin e kaluar Trump u përjashtua nga Twitter dhe u pezullua për dy vjet nga Facebook, pas sulmit të 6 janarit të 2021-shit në Kapitol nga mbështetësit e tij republikanë.
Trump i kishte përdorur platformat online si një megafon për opinionet e tij shpesh të diskutueshme dhe ndonjëherë ekstremiste, si dhe për teoritë inkurajuese të konspiracionit.
Ndërkohë Orban ka krijuar lidhje me të djathtët amerikanë në vitet e fundit, veçanërisht me Trump, i cili e mbështeti hungarezin përpara rizgjedhjes së tij prillin e kaluar.
After my first day on Twitter, there’s one question on my mind. Where is my good friend, @realDonaldTrump? pic.twitter.com/vCzWfAy2sh
— Orbán Viktor (@PM_ViktorOrban) October 11, 2022
