Struktura e Posaçme Anti-Korrupsion ka kërkuar konfiskimin e pasurive të Redjan Rrajës.
Rajës i janë sekuestruar më herët me vendim të GJKKO një apartament në Tiranë, një njësi , dy garazhe, dy makina, orë dhe para cash.
Redjan Rraja dyshohet si i përfshirë në atentatin ndaj makinës së prokurorit Arjan Ndoji, në të cilën ndodheshin shoferi i tij, Andi Maloku dhe Aleksandër Laho.
Ai është përmendur nga ish-oficeri i policisë gjyqësore Nuho në dosjen “Xhisiela”.
Gjithashtu ai u arrestua dhe u dënua nga Gjykata në vitin 2017 me 8 muaj burg si i përfshirë në vrasjen e Elton Çiçës.
Rraja akuzohet për fshehjen e provave të vrasjes së mikut të tij, i cili mbeti viktimë.
Njoftim i SPAK:
Bazuar në parashikimet e Ligji nr. 10192 datë 03.12.2009 “Për Parandalimin dhe Goditjen e Krimit të Organizuar dhe Trafikimit Nëpërmjet Masave Parandaluese kundër Pasurisë”, Prokuroria e Posaçme Kundër Korrupsionit dhe Krimit të Organizuar ka regjistruar në datën 22.01.2021 procedimin pasuror nr.2, në ngarkim të shtetasve Redjan Rraja etj.
Në funksion të hetimeve të këtij procedimi pasuror janë kryer shumë veprime hetimore dhe në përfundim të tyre sot në datën 13.10.2022 Prokuroria e Posaçme Kundër Korrupsionit dhe Krimit të Organizuar ju drejtua Gjykatës me kërkesën për konfiskim të pasurive si më poshtë:
Pasuria apartament, me sip 76 m2 (Tiranë), regjistruar në emër të shtetasit R. Rraja.
Pasuria, me sip 30 m2, njësi (Tiranë), regjistruar në emër të shtetasit R. Rraja.
Pasuria njësi me sip 127.5 m2 (Tiranë), e regjistruar në emër të shtetases M. Ç. por që është në zotërim të tërthortë nga shtetasi R. Rraja.
Pasuria garazh me sip totale 18.09 m2 (Tiranë), regjistruar në emër të shtetases M. Ç. por që është në zotërim të tërthortë nga shtetasi R. Rraja.
Pasuria garazh me sip totale 18.09 m2 (Tiranë), regjistruar në emër të shtetases M. Ç. por që gjendet në zotërim të tërthortë të shtetasit R. Rraja.
Automjeti me ngjyrë gri të tipit Audi, A8, sekuestruar shtetases K. K. por që është në zotërim të tërthortë të shtetasit R. Rraja.
Automjeti me targë Audi A8, regjistruar në emër të R. Rraja.
Një orë dore Roleks.
Shuma prej 2750 Euro.
Këto pasuri janë sekuestruar me vendimin nr.22 datë 23.10.2021 të Gjykatës së Posaçme e Shkallës së Parë për Korrupsionin dhe Krimin e Organizuar.
