Shefi i politikës së jashtme të BE-së Josep Borrell ka shprehur zhgënjimin që disa vende nuk e mbështetën rezolutën e fundit të OKB-së për mosnjohjen e referendumeve për bashkimin me Rusinë të Republikave të Donetskut e Luganskut si dhe rajonet Zaporozhye e Kherson.
Duke folur në Akademinë Diplomatike Evropiane të enjten, Borrell tha se ishte i lumtur që ‘sistemi reagoi shumë mirë’ pasi 143 vende në Asamblenë e Përgjithshme të OKB-së votuan për të hedhur poshtë referendumet, me vetëm pesë vende, përfshirë Rusinë, që votuan kundër rezolutës.
“Kishte shumë punë pas ky rezultat, shumë kontakt me shumë njerëz në mënyrë që të siguroheshim se ishim mbi linjën 140.” – tha kryediplomati.
Megjithatë, Borrell vazhdoi të deklarojë se ishte ‘i shqetësuar sepse kishte shumë abstenime’, pasi 45 vende, duke përfshirë Kinën, Indinë, Afrikën e Jugut, Tajlandën dhe Kubën, zgjodhën të përmbaheshin nga votimi i tyre për rezolutën.
“Kur pak a shumë 20% e komunitetit botëror vendosi të mos e mbështesë ose të mos e kundërshtojë aneksimin rus, për mua është shumë.” – tha diplomati.
Borrell këmbënguli se duhet bërë më shumë punë për të bindur më shumë vende që të dënojnë Rusinë dhe ‘të bëjnë botën të refuzojë’ fushatën ushtarake të Moskës kundër Ukrainës.
