Një firmë për marrëdhëniet me publikun që përfaqëson kompanitë e mëdha farmaceutike si Pfizer dhe Moderna është zbuluar se ka staf në divizione të caktuara në Qendrat për Kontrollin dhe Parandalimin e Sëmundjeve (CDC) gjatë pandemisë, duke ndezur pyetje në lidhje me konfliktet e mundshme të interesit.
Me qendër në Nju Jork, ‘Weber Shandwick’ thuhet se është firma e dytë më e madhe e marrëdhënieve me publikun në botë me të ardhura mbi 830 milionë dollarë dhe rreth 4,700 punonjës në mbarë botën.
Ajo ka punonjës që punojnë brenda Qendrës Kombëtare të CDC për imunizimin dhe sëmundjet e frymëmarrjes (NCIRD) – seksioni i agjencisë që zbaton programet e vaksinave dhe mbikëqyr Komitetin Këshillimor për Praktikat e Imunizimit (ACIP), sipas një buletini të ekspozuar nga gazetari investigativ Paul D. Thaker.
“Një ‘kontratë prej 50 milionë dollarësh lejon firmën’ të ngulitet në Qendrat për Kontrollin dhe Parandalimin e Sëmundjeve në Atlanta si pjesë e ekipit të Divizionit të Sëmundjeve Virale.” – tha Thacker në një postim në Tëitter të martën, duke shtuar hollësi si informacionet e Linkedin për punonjësit e firmës që punojnë brenda CDC-së.
“Fillova t’i dërgoj pyetje CDC javën e kaluar, duke kontaktuar drejtoreshën e CDC Rochelle Walensky dje. Megjithatë CDC ende kundërshton të përgjigjet.” – tha ai.
‘Weber Shandwick’ fitoi një kontratë me CDC me vlerë 50 milionë dollarë në tetor 2020 për të promovuar vaksinat e gripit, si dhe vetë agjencinë. Bazuar në dokumentet e NCIRD, punonjësit e ‘Weber’ do merren me komunikime, marketing dhe turne promovimi gjatë shpërthimeve të epidemive dhe rekomandimeve të vaksinave.
Thacker vuri në dukje një llogari në Linkedin të një ish-punonjësi të ‘Weber’ që jepte hollësi mbi detyrat e tij në CDC ku ‘përqendrohet në rritjen e normave të vaksinimit për gripin, HPV, kollën e mirë dhe COVID-19’.
Në nëntor 2020, Pfizer njoftoi se vaksina e saj COVID-19 përmbushi të gjitha pikat e efikasitetit gjatë provave klinike dhe muajin pasardhës dhe FDA i dha kompanisë Autorizimin e Përdorimit Emergjent të vaksinës.
Konfliktet e interesit dhe fitimet
‘Weber Shandwick’ ka punuar me Pfizer të paktën që nga viti 2006 dhe ka bashkëpunuar me Modernan në qershor 2022 pas suksesit të përhapjes ndërkombëtare të vaksinave të kompanisë për COVID-19.
Sipas Daily Mail, një zëdhënës i ‘Weber Shandwick’ i tha medias se firma kishte një ‘proces të plotë verifikimi për të shmangur konfliktet’.
Duke kontrolluar rreth 70 për qind të tregjeve amerikane dhe evropiane, Pfizer fitoi afërsisht mbi 81 miliardë dollarë në vitin 2021, kryesisht nga vaksina e saj COVID-19. Këtë vit, kompania synon të mbledhë mbi 50 miliardë dollarë globalisht vetëm nga vaksina dhe antivirali Paxlovid i përdorur për të trajtuar simptomat e hershme të COVID.
Vitin e kaluar, Pfizer, BioNTech dhe Moderna së bashku arritën një fitim prej 1,000 dollarë në sekondë, 65,000 dollarë në minutë ose 93.5 milionë dollarë në ditë. Dozat përforcuese, aktualisht të rekomanduara për të gjithë mbi 12 vjet, pritet të vazhdojnë të shtojnë fitimet e kompanive farmaceutike.
Strumbullari
Në një pranim mahnitës më 10 tetor, një ekzekutiv i Pfizer tha se kompania nuk e dinte nëse vaksina e saj COVID-19 do e ndalonte transmetimin e virusit përpara se të hynte në treg në 2021.
“A dinim ne nëse vaksina do e bënte imunizimin përpara se ai të hynte në treg? Jo…ne duhej të lëviznim vërtet me shpejtësinë e shkencës për të kuptuar me të vërtetë se çfarë po ndodh në treg.” – tha Janine Small nga Pfizer, presidente e tregjeve të zhvilluara ndërkombëtare, në përgjigje të një pyetjeje të anëtarit të Parlamentit Evropian, Rob Roos.
“Miliona njerëz në mbarë botën u ndjenë të detyruar të vaksinohen për shkak të mitit se ‘ti e bën atë për të tjerët’”, tha Roos në videon në Twitter në të njëjtën ditë.
“Tani, kjo doli të ishte një gënjeshtër dhe duhet të ekspozohet”, shtoi ai.
Dr. Martin Kulldorf, Profesor i Mjekësisë në Harvard kishte punuar me CDC për të zhvilluar sistemin e saj të vlerësimit të sigurisë së vaksinave.
“Është shqetësuese që pikat e bisedës CDC ofrohen nga e njëjta kompani e marrëdhënieve me publikun që punon për prodhuesit e vaksinave.” – tha ai, sipas buletinit të Thacker.
“Për të siguruar besimin e publikut, CDC duhet të sigurojë prova të sakta, të bazuara në shkencë mbi vaksinat.” – tha Kulldorf.
“Ata kanë dështuar ta bëjnë këtë.”
CDC e pushoi Kulldorfin pas mosmarrëveshjes së tij me agjencinë për ndërprerjen e vaksinës kundër COVID-19 të Johnson & Johnson, një konkurrent i Pfizer dhe Moderna, tha Thacker.
