Shkollat në Angli po luftojnë për të paguar faturat e tyre të energjisë elektrike dhe ngrohjes, dhe 90% do të mbeten pa para vitin e ardhshëm, raportoi ‘Observer’ të shtunën.
Shoqata Kombëtare e Mësuesve i tha gazetës se 50% e shkollave të tyre do të jenë në deficit këtë vit, me shifrën që do rritet në 90% deri shtatorin e ardhshëm.
Faturat e energjisë dhe ngrohjes në disa shkolla janë rritur nga 26,000 stëlina në vit në 89,000 stërlina, thuhet në raport. Mbi këtë rritje, shkollat duhet të financojnë një rritje të pagave prej 5% të mësuesve.
Ministri i ri i Financave Jeremy Hunt pritet të njoftojë shkurtimet e shpenzimeve për të gjitha departamentet, përfshirë arsimin, në fund të muajit.
Disa fonde shkollore i thanë gazetës se ata po përdorin rezervat e tyre të parave për t’i mbajtur ndërtesat e tyre të ngrohta dhe mësuesit e tyre të paguar. Megjithatë, ‘vjen një çast ku thjesht na mbarojnë paratë’, tha Garry Ratcliffe.
Për më tepër, Ratcliffe tha se ai ka parë një rritje të numrit të familjeve të paafta për të paguar faturat ose për të ushqyer fëmijët.
“Familjet që nuk kanë kërkuar kurrë mbështetje më parë po vijnë tek ne.” – tha ai.
“Ka një ndjenjë të madhe turpi për prindërit që punojnë sa munden por sërish duhet të shkojnë në shkollë dhe të kërkojnë ndihmë.” – shtoi ai.
Një sondazh i publikuar javën e kaluar nga ‘Chefs in Schools’ zbuloi se 83% e mësuesve raportuan se fëmijët vinin në shkollë të uritur sepse prindërit e tyre nuk ishin në gjendje të përballonin ushqimin. Gati një e katërta thanë se fëmijët në shkollat e tyre e anashkaluan drekën ‘për shkak të varfërisë’.
Kostot e energjisë dhe inflacioni, i cili ka qenë në rritje që nga fundi i pandemisë Covid-19, janë rritur në qiell që kur Mbretëria e Bashkuar vendosi të shkëputej nga karburantet fosile ruse. Kryeministrja në largim Liz Truss e përkeqësoi krizën ekonomike me një ‘mini-buxhet’ katastrofik muajin e kaluar që rrëzoi paundin britanik dhe u përpoq të fajësonte presidentin rus Vladimir Putin për problemet ekonomike të Britanisë.
